ഭോപ്പാല്: മധ്യപ്രദേശില് ബലാത്സംഗക്കേസ് പ്രതിയുടെ വീട് ബുള്ഡോസര് കൊണ്ട് ഇടിച്ചുനിരത്തി. വനിതാ പൊലീസുകാരുടെ നേതൃത്വത്തിലായിരുന്നു നടപടി. പൊലീസുകാര് ബുള്ഡോസര് ഉപയോഗിച്ച് വീട് പൊളിക്കുന്നതിന്റെ വീഡിയോ സാമൂഹിക മാധ്യമങ്ങളില് വൈറലാണ്.
തലസ്ഥാന നഗരമായ ഭോപ്പാലില് നിന്ന് 250 കിലോമീറ്റര് മാറി ദമോ എന്ന സ്ഥലത്താണ് സംഭവം. പ്രായപൂര്ത്തിയാകാത്ത പെണ്കുട്ടി ഇവിടെ ബലാത്സംഗത്തിന് വിധേയയായിരുന്നു. കേസുമായി ബന്ധപ്പെട്ട് മൂന്ന് പേരെ പോലീസ് അറസ്റ്റ് ചെയ്തുവെങ്കിലും ഒളിവില് കഴിയുന്ന നാലാം പ്രതി കൗശല് കിഷോര് ചൗബേയെ ഇതുവരെ കണ്ടെത്താനായില്ല.
ഇതോടെയാണ് പ്രതിക്കെതിരെ പൊലീസ് നടപടിയെടുത്തത്. കൗശല് കിഷോറിന്റെ വീട് വനിതാ പൊലീസുദ്യോഗസ്ഥരെത്തി പൊളിച്ചുനീക്കി. വീട് അനധികൃതമായി നിര്മ്മിച്ചതാണെന്ന് കണ്ടെത്തിയതിന്റെ പശ്ചാത്തലത്തിലാണ് നടപടി സ്വീകരിച്ചതെന്ന് പൊലീസുകാര് പറഞ്ഞു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ