ന്യൂഡല്ഹി. ജോലിക്ക് പോകാൻ ഇറങ്ങിയ യുവതിയെ ഇഷ്ടിക കൊണ്ട് തലയ്ക്കടിച്ച് ഭര്തൃപിതാവ്. നോര്ത്ത് ഡല്ഹിയില് കഴിഞ്ഞ ചൊവ്വാഴ്ചയാണ് സംഭവം. 26കാരിയായ കാജലിനെയാണ് ഭര്തൃപിതാവ് ക്രൂരമായി മര്ദിച്ചത്.
ജോലിക്ക് പോകരുതെന്ന് ഭർതൃപിതാവ് പറഞ്ഞത് കേള്ക്കാന് കൂട്ടാക്കാതിരുന്നതിനെ തുടര്ന്ന് സമീപത്ത് കിടന്ന കല്ല് കൊണ്ട് പല ആവര്ത്തി കാജലിനെ ഇയാള് മര്ദിക്കുകയായിരുന്നു.
സമീപത്ത് ആളുകള് ഉണ്ടായിരുന്നിട്ടും ആരും സഹായിക്കാന് എത്തിയില്ല. യുവതി ഓടി രക്ഷപെടാന് ശ്രമിച്ചപ്പോൾ പിന്തുടര്ന്ന് ഇയാള് മര്ദിച്ചു.
തലയില് ഗുരുതരമായി പരിക്കേറ്റ യുവതിയെ സമീപത്തെ ആശുപത്രിയില് പ്രവേശിപ്പിച്ചു.
തലയില് 17 സ്റ്റിച്ചുകള് ഉണ്ടെന്ന് ആശുപത്രി അധികൃതര് അറിയിച്ചു. യുവതിയുടെ മാതാപിതാക്കള് ഭര്തൃപിതാവിനെതിരെ കേസ് നല്കിയിട്ടുണ്ട്. സംഭവത്തില് അന്വേഷണം ആരംഭിച്ചു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ