ന്യൂഡൽഹി: നഗരമധ്യത്തിൽ ആളുകൾ നോക്കിനിൽക്കേ യുവതിയെ മർദിച്ച് ബലമായി യുവാവ് കാറിൽ കയറ്റുന്ന വിഡിയോ പുറത്ത്. നോത്ത് ഡൽഹിക്ക് സമീപം മംഗോൾപൂരിലാണ് സംഭവം. തർക്കത്തെ തുടർന്ന് കാറിൽ നിന്നും ഇറങ്ങിപ്പോയ യുവതിയെ യുവാവ് മർദിക്കുന്നതും തുടർന്ന് കാറിലേക്ക് തള്ളികയറ്റുന്നതും വിഡിയോയിൽ വ്യക്തമാണ്.
ട്രാഫിക് നിറഞ്ഞ റോഡിൽ സംഭവം നടക്കുമ്പോൾ അടുത്തുണ്ടായിരുന്ന യുവാവ് ഇടപെടാതെ നിന്നു. കാറിൽ കയറിയ ശേഷവും യുവതിയെ യുവാവ് മർദിച്ചു. മർദനത്തിന്റെ ദൃശ്യങ്ങൾ സമൂഹമാധ്യമങ്ങളിൽ വൈറലായതിന് പിന്നാലെ ഡൽഹി പൊലീസ് കേസെടുത്ത് അന്വേഷണം ആരംഭിച്ചു.
അന്വേഷണത്തിൽ കാർ ഹരിയാന ഗുരുഗ്രാമിലെ രതൻ വിഹാറിൽ നിന്നുമാണെന്ന് തെളിഞ്ഞു. ഇവർ സഞ്ചിരിച്ചിരുന്ന വാഹനവും ഡ്രൈവറെയും കണ്ടെത്തിയതായി പൊലീസ് അറിയിച്ചു. രോഹിണി നിന്നും വികാസ്പൂർ വരെ ഊബർ മാർഗമാണ് മൂന്ന് പേരും കാർ ബുക്ക് ചെയ്‌തത്.
വഴിമധ്യേ യുവാക്കളുമായി വഴക്കിട്ട് കാറിൽ നിന്നും ഇറങ്ങിപ്പോയ യുവതിയെ യുവാവ് മർദിക്കുകയും ബലമായി കാറിൽ കയറ്റുകയുമായിരുന്നു. അന്വേഷണത്തിന്റെ ഭാഗമായി പൊലീസ് സംഘം ഹരിയാനയിലേക്ക് പുറപ്പെട്ടു. രാത്രി പതിനൊന്നരയോടെ ഗുരുഗ്രാം ചൗക്കിൽ കാറെത്തിയതായ സിസിടിവിയിൽ ദൃശ്യങ്ങൾ ലഭിച്ചതായി പൊലീസ് പറഞ്ഞു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
