ലേ: വ്യോമസേനയുടെ സി-17 വിമാനം ലേ വിമാനത്താവളത്തിന്റെ റണ്വേയില് കുടുങ്ങി. സാങ്കേതിക തകരാര് മൂലമാണ് വിമാനം കുടുങ്ങിയത്. ഇതേത്തുടര്ന്ന് ലേയിലെ കുഷോക് ബകുല റിംപോച്ചെ വിമാനത്താവളത്തിലേക്കും തിരിച്ചുമുള്ള എല്ലാ വിമാന സര്വീസുകളും റദ്ദാക്കി.
ചൊവ്വാഴ്ചയാണ് വ്യോമസേന വിമാനം ലേ വിമാനത്താവളത്തിന്റെ റണ്വേയില് കുടുങ്ങിയത്. വിമാനത്തിന്റെ തകരാര് പരിഹരിച്ചുവരികയാണെന്നും ബുധനാഴ്ച രാവിലെയോടെ റണ്വേ പ്രവര്ത്തക്ഷമമാകുമെന്നും അധികൃതര് അറിയിച്ചു.
സര്വീസുകള് മുടങ്ങിയതോടെ ഡല്ഹിയില് നിന്നും ലേയിലേക്ക് തിരിച്ച വിസ്താരയുടെ സര്വീസ് ഡല്ഹിയിലേക്ക് തന്നെ തിരിച്ചുവിട്ടതായി കമ്പനി ട്വീറ്റ് ചെയ്തു. മുംബൈ-ലേ ഇന്ഡിഗോ വിമാനവും തിരിച്ചിറക്കിയതായാണ് വിവരം. സര്വീസുകള് റദ്ദാക്കിയതോടെ പ്രതിഷേധവുമായി നിരവധി യാത്രക്കാര് രംഗത്തെത്തി.
ഈ വാര്ത്ത കൂടി വായിക്കൂ ബംഗാളില് അനധികൃത പടക്ക നിര്മ്മാണശാലയില് സ്ഫോടനം; 7 മരണം
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ