55 ശതമാനമായി കൂട്ടി; ജീവനക്കാരുടേയും പെന്ഷന്കാരുടേയും ക്ഷാമബത്ത വര്ധിപ്പിച്ച് കേന്ദ്രസര്ക്കാര്
ന്യൂഡല്ഹി: കേന്ദ്രസര്ക്കാര് ജീവനക്കാര്ക്കും പെന്ഷന്കാര്ക്കുമുള്ള ക്ഷാമബത്ത വര്ധിപ്പിച്ചു. രണ്ടു ശതമാനം വര്ധനയാണ് വരുത്തിയത്. 53 ല് നിന്ന് 55 ശതമാനമായാണ് ക്ഷാമബത്ത വര്ധിപ്പിച്ചത്. വര്ധനയ്ക്ക് ജനുവരി ഒന്നു മുതല് മുന്കാല പ്രാബല്യം ഉണ്ടായിരിക്കും.
ഏകദേശം 48.66 ലക്ഷം കേന്ദ്ര സര്ക്കാര് ജീവനക്കാര്ക്കും 66.55 ലക്ഷം പെന്ഷന്കാര്ക്കും കേന്ദ്ര തീരുമാനം ഗുണം ചെയ്യും. ക്ഷാമബത്ത വര്ധന മൂലം 6614 കോടിയുടെ ബാധ്യത സര്ക്കാരിന് ഉണ്ടാകുമെന്ന് കേന്ദ്രമന്ത്രിസഭാ തീരുമാനം അറിയിച്ച കേന്ദ്രമന്ത്രി അശ്വിനി വൈഷ്ണവ് പറഞ്ഞു.
ഏഴാം കേന്ദ്ര ശമ്പള കമ്മീഷന്റെ ശുപാര്ശകളെ അടിസ്ഥാനമാക്കിയുള്ള അംഗീകൃത ഫോര്മുല പ്രകാരമാണ് വര്ദ്ധനവ്. ജീവിതച്ചെലവ് ക്രമീകരിക്കുന്നതിനും ജീവനക്കാരെയും പെന്ഷനുകളെയും പണപ്പെരുപ്പത്തില് നിന്ന് സംരക്ഷിക്കുന്നതിനുമാണ് ഡിഎയും ഡിആറും നല്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
