കൊച്ചി: ജെറ്റ് എയർവേയ്സ് സ്വാതന്ത്ര്യ ദിനത്തോടനുബന്ധിച്ച് ടിക്കറ്റ് നിരക്കുകളിൽ ഇളവു പ്രഖ്യാപിച്ചു. രാജ്യാന്തര ടിക്കറ്റ് നിരക്കിൽ ഇക്കണോമി ക്ലാസ് യാത്രയ്ക്കും പ്രീമിയർ ക്ലാസ് യാത്രയ്ക്കും 30 ശതമാനം ഇളവാണ് പ്രഖ്യാപിച്ചിട്ടുള്ളത്. ഒരു വശത്തേക്കു മാത്രമായോ മടക്കയാത്രയ്ക്കു കൂടിയോ ഈ ഇളവ് ഉപയോഗപ്പെടുത്താം.
ഓഗസ്റ്റ് 15 വരെയുള്ള യാത്രയ്ക്കാണ് ഇളവ് ലഭിക്കുക. ജെറ്റ് എയർവേയ്സിന്റെ 21 അന്താരാഷ്ട്ര സർവീസുകൾക്കും എല്ലാ യൂറോപ്യൻ സർവീസുകൾക്കും ഇളവ് ലഭിക്കും. ടിക്കറ്റ് ബുക്ക് ചെയ്യുന്നതു മുതൽ യാത്രയ്ക്കു പ്രാബല്യമുണ്ടായിരിക്കും.
ദുബായ്, അബുദാബി, ഷാർജ, ബഹ്റിൻ, ദോഹ, ദമാം, റിയാദ്, ജിദ്ദ, കുവൈറ്റ്, മസ്ക്കറ്റ്, കൊളംബോ, സിംഗപ്പുർ, ബാങ്കോക്ക്, ഹോങ്കോംഗ്, ലണ്ടൻ, മാഞ്ചസ്റ്റർ, ആസ്റ്റർഡാം, പാരീസ് എന്നിവിടങ്ങളിലേക്കുള്ള യാത്രയ്ക്ക് ഇളവ് ഉപയോഗപ്പെടുത്താമെന്ന് ജെറ്റ് എയർവേയ്സ് പുറത്തുവിട്ട വാർത്താക്കുറുപ്പിൽ പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ