പ്രൈം അംഗങ്ങള്‍ക്ക് ഓഫ്‌ലൈനിലും പാട്ട് കേള്‍ക്കുന്നതിന് സൗകര്യമുള്ള മ്യൂസിക് ആപ്പുമായി ആമസോണ്‍. ആന്‍ഡ്രോയിഡ് ടി വി പ്ലാറ്റ്‌ഫോമുകളിലേക്കുള്ള ആപ്പാണ് ആമസോണ്‍ പുറത്തിറക്കിയത്. പ്രൈം അംഗങ്ങള്‍ക്ക് ഗൂഗിള്‍ പ്ലേസ്റ്റോറില്‍ നിന്നും ആപ്പ് ഡൗണ്‍ലോഡ് ചെയ്ത് ഉപയോഗിക്കാം.
ഐഫോണിനുള്ള ആപ്പ് പോലെ തന്നെയാണ് ആന്‍ഡ്രോയിഡ് ആപ്പും പ്രവര്‍ത്തിക്കുന്നത്. തിരഞ്ഞെടുത്ത 5 കോടിയോളം പാട്ടുകള്‍ ആപ്പില്‍ സ്റ്റോറ് ചെയ്തിട്ടുണ്ടെന്നാണ് കമ്പനി അവകാശപ്പെടുന്നത്. പാട്ടുകള്‍ ഉയര്‍ന്ന ഗുണനിലവാരത്തില്‍ പരസ്യത്തിന്റെ ശല്യമില്ലാതെ പരിധിയില്ലാതെ ആസ്വദിക്കാമെന്ന വാഗ്ദനമാണ് ആമസോണ്‍ നല്‍കുന്നത്.
ആന്‍ഡ്രോയിഡ് പ്രൈം മ്യൂസിക് കേള്‍ക്കുന്നതിനായി നല്ല ഇന്റര്‍നെറ്റ് കണക്ഷന്‍ വേണമെങ്കിലും ഡൗണ്‍ലോഡ് ചെയ്ത് വച്ചാല്‍ ഓഫ്‌ലൈനില്‍ പാട്ട് കേള്‍ക്കാം.പ്രെം മ്യൂസികിന് പുറമേ ഗൂഗിള്‍ ഉപഭോക്താക്കള്‍ക്ക് അവരുടെ ഇഷ്ടപ്പെട്ട ട്രാക്കുകളും കേള്‍ക്കാം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
