കൊച്ചി : സംസ്ഥാനത്ത് പെട്രോൾ വില എഴുപത്തിരണ്ടിലേക്ക്. ഇരുപത്തിനാലു പൈസയാണ് പെട്രോളിന് ഇന്നു കുറഞ്ഞത്. രണ്ടാഴ്ചയിലേറെയായി പെട്രോൾ വില ദിനംപ്രതി കുറയുകയാണ്.
കൊച്ചിയിൽ ഒരു ലിറ്റർ പെട്രോളിന് 72.21 പൈസയാണ് തിങ്കളാഴ്ചത്തെ വില. ഡീസൽ വില 68.34 രൂപ. 28 പൈസയുടെ കുറവാണ് ഡീസലിന് ഇന്നുണ്ടായത്. കഴിഞ്ഞ രണ്ടാഴ്ചയ്ക്കിടെ പെട്രോളിന് അഞ്ചര രൂപയോളവും ഡീസലിന് ആറ് രൂപയിലേറെയുമാണ് കുറഞ്ഞത്.
തിരുവനന്തപുരത്ത് 73.49 രൂപയാണ് പെട്രോൾ വില. ഡീസലിന് 69.66. പെട്രോൾ 25 പൈസയും ഡീസൽ 28 പൈസയുമാണ് ഇന്നു കുറഞ്ഞത്.
രാജ്യാന്തര വിപണിയിൽ അസംസ്കൃത എണ്ണവിലയിലുണ്ടാകുന്ന ഇടിവും രൂപയുടെ മൂല്യത്തിലുണ്ടായ നേരിയ നേട്ടവുമാണ് രാജ്യത്ത് ഇന്ധന വില കുറയാൻ കാരണം. രണ്ടുമാസത്തിനിടെ ഇന്ധനവിലയില് 10 ശതമാനത്തിന്റെ കുറവാണ് രേഖപ്പെടുത്തിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ