ഹലോ.. കേള്‍ക്കുന്നുണ്ടോ? റേഞ്ചു പോയാല്‍ ഇനി ഫോണ്‍ തല്ലിപ്പൊട്ടിക്കണ്ട; വോയിസ് ഓവര്‍ വൈഫൈയുമായി ജിയോ എത്തുന്നു
ഹൈദരാബാദ്: ഫോണ്‍ ചെയ്യുന്നതിനിടയില്‍ റേഞ്ചുപോയി സംഭാഷണം മുറിയുമ്പോള്‍ ദേഷ്യം വരാറുണ്ടോ? എന്നാലിനി റേഞ്ചില്ലാതെയും സംസാരിക്കാം. ടെലികോം രംഗത്ത് വിസ്മയം സൃഷ്ടിച്ചുകൊണ്ടിരിക്കുന്ന റിലയന്‍സ് ജിയോയുടേതാണ് വാഗ്ദാനം.
വോയിസ് ഓവര്‍ വൈഫൈ സംവിധാനം ഉപയോഗിക്കാനാണ് ജിയോയുടെ പദ്ധതി. ഫോണ്‍ ചെയ്യുന്നതിനിടെ റേഞ്ചുപോയാലും പ്രദേശത്ത് ലഭ്യമാകുന്ന സൗജന്യ വൈഫൈ ഉപയോഗിച്ച് സംഭാഷണം പൂര്‍ത്തീകരിക്കാന്‍ സാധിക്കുമെന്നാണ് കമ്പനി അവകാശപ്പെടുന്നത്.
ഇതിനായി 10,000 വൈഫൈ ഹോട്ട്‌സ്‌പോട്ടുകള്‍ അടുത്ത മാസത്തോടെ കൊണ്ടുവരാനുള്ള നീക്കം ആരംഭിച്ചിട്ടുണ്ട്. അധികം വൈകാതെ ഈി സേവനം ലഭ്യമാക്കാന്‍ കഴിയുമെന്നാണ് ജിയോ പറയുന്നത്.
ഓഗസ്റ്റ് പതിനഞ്ച് മുതല്‍ ജിയോ ഫോണുകള്‍ പുറത്തിറങ്ങുന്നതിനൊപ്പം വോയിസ് ഓവര്‍ വൈഫൈയും പ്രതീക്ഷിക്കാമെന്നാണ് കമ്പനി നല്‍കുന്ന സൂചനകള്‍.4 ജി ഫീച്ചര്‍ ഫോണുകളിലാകും ആദ്യഘട്ടത്തില്‍ ഇത് ലഭ്യമാവുക.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
