ജനപ്രിയ മാധ്യമമായ ഫേസ്ബുക്ക് ഘടനയിലും ഉള്ളടക്കത്തിലുമെല്ലാം മൊത്തത്തില് അഴിച്ചു പണികള് നടത്തിക്കൊണ്ടിരിക്കുകയാണ്. ഫേസ്ബുക്കിന്റെ ന്യൂസ് സെക്ഷന് ആയ 'ട്രെന്ഡിങ്' ഇനി മുതല് ഉണ്ടാകില്ല എന്നതാണ് പുതിയ വാര്ത്ത. അടുത്ത ആഴ്ച മുതല് ഫേസ്ബുക്ക് ട്രെന്ഡിങ് സെക്ഷന് പ്രവര്ത്തിക്കില്ലെന്നാണ് ഫേസ്ബുക്ക് ഔദ്യോഗികവൃത്തങ്ങള് അറിയിക്കുന്നത്. ഭാവിയിലേക്കുള്ള വാര്ത്താ സംസ്കാരത്തെ ഉള്ക്കൊള്ളുന്നതിന് വേണ്ടിയാണ് ഫേസ്ബുക്കിന്റെ ഈ പുതിയ മാറ്റം.
ട്രെന്ഡിങ് സെക്ഷന് ഒഴിവാക്കുന്നുണ്ടെങ്കിലും അതേ സ്ഥാനത്ത് പുതിയ ന്യൂസ് സെക്ഷന് കൊണ്ടുവരാനും ഫേസ്ബുക്കിന് പദ്ധതിയുണ്ട്. ആളുകളെ ലോകത്തിലെ നാനാഭാഗങ്ങളിലുള്ള വാര്ത്തകളുമായി ബന്ധിപ്പിക്കുക എന്നതാണ് ലക്ഷ്യം. മൂന്ന് വിഭാഗങ്ങളായിട്ടാണ് ബ്രേക്കിങ് ന്യൂസ് അവതരിപ്പിക്കുക. ബ്രേക്കിങ് ന്യൂസ്, ടുഡേ ഇന്, ന്യൂസ് വീഡിയോ ഇന് വാച്ച് എന്നിങ്ങനെ വിഭാഗങ്ങളാക്കി തിരിക്കും.
ടുഡേ എന്ന സെക്ഷനില് ഏറ്റവും പുതിയ വാര്ത്തകളായിരിക്കും ഉണ്ടാവുക. അതില് ഉപഭോക്താവിന്റെ പ്രാദേശിക തലത്തിലുള്ള പ്രധാനപ്പെട്ട വാര്ത്തകളായിരിക്കും കാണാന് കഴിയുക. കൂടാതെ ലൈവ് വാര്ത്തകളും എക്സ്ക്ലൂസിവുകളും ഉള്പ്പെടുത്താന് ഫേസ്ബുക്ക് ആലോചിക്കുന്നുണ്ട്.
2014ല് ആയിരുന്നു ഫേസ്ബുക്ക് ഉപഭോക്താക്കല്ക്ക് വേണ്ടി ട്രെന്ഡിങ് എന്ന സെക്ഷന് അവതരിപ്പിക്കുന്നത്. ലോകത്തിലെ വിവിധ ഭാഗത്തുള്ള ട്രെന്ഡിങ് ആയ വാര്ത്തകളായിരുന്നു അതില് വന്നിരുന്നത്. പക്ഷേ മൊത്തം ഉപഭോക്താക്കളില് പതിനഞ്ച് ശതമാനം മാത്രമേ ഈ സംവിധാനം ഉപയോഗപ്പെടുത്തിയിരുന്നുള്ളു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ