കൊച്ചി: എണ്ണ കമ്പനികള് തുടര്ച്ചയായി വില കുറച്ചതിനെത്തുടര്ന്ന് കഴിഞ്ഞ മൂന്നാഴ്ച കൊണ്ട് രാജ്യത്ത് പെട്രോളിന് കുറഞ്ഞത് നാലു രൂപയിലേറെ. ഡീസലിന് രണ്ടു രൂപയുടെ കുറവാണ് ഈ കാലയളവിലുണ്ടായത്.
കഴിഞ്ഞ മാസം പതിനെട്ടു മുതല് ഇന്ധന വില കുറഞ്ഞുകൊണ്ടിരിക്കുകയാണ്. ഈ ഇടിവ് ഇന്നും തുടര്ന്നു. പെട്രോള് ലിറ്ററിന് ഇരുപത്തിമൂന്നു പൈസയുടെ ഇടിവാണ് ഇന്ന് കൊച്ചിയിലുണ്ടായത്. ഡീസല് ഇരുപതു പൈസയും കുറഞ്ഞു.
80.73 രൂപയാണ് ഒരു ലിറ്റര് പെട്രോളിന് എറണാകുളം ജില്ലയില് ഇന്നലത്തെ വില. ഇന്ന് ഇത് 80.50 ആയി കുറഞ്ഞു. പെട്രോള് ലിറ്ററിന് 77.15 ആയിരുന്നത് 76.94 ആയി മാറി. ദിവസങ്ങള്ക്കു ശേഷമാണ് ഡീസല് വില 77 രൂപയില് താഴെയെത്തുന്നത്.
തിരുവനന്തപുരത്ത് പെട്രോള് വില 82.17 രൂപ ആയിരുന്നത് 81.94 ആയി കുറഞ്ഞു. ഡീസല് വില 78.64ല്നിന്ന് 78.43ല് എത്തി.
കോഴിക്കോട് പെട്രോള് വില 81.09ല്നിന്ന് 80.86 ആയാണ് കുറഞ്ഞത്. ഡീസല് വില 77.51ല്നിന്ന് 77.30ല് എത്തി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ