ന്യൂഡല്ഹി: ഏപ്രിലിന് ശേഷം ആദ്യമായി രാജ്യാന്തര വിപണിയില് എണ്ണവില ബാരലിന് 70 ഡോളറിന് താഴെയെത്തി. ബ്രെന്ഡ് ക്രൂഡിന് 69.54 ഡോളറായിരുന്നു ഇന്നലത്തെ വില. ഒക്ടോബറിലെ ഉയര്ന്നവിലയില് നിന്ന് 18 ശതമാനത്തിന്റെ ഇടിവാണ് രേഖപ്പെടുത്തിയത്. കുറഞ്ഞ സാമ്പത്തിക വളര്ച്ചയും വ്യാപാര തര്ക്കവും മൂലം എണ്ണയാവശ്യത്തില് വന്ന കുറവാണ് വിലയിടിവിന് കാരണമായത്.
ഇറാനെതിരെ യുഎസ് ഉപരോധമേര്പ്പെടുത്തുമ്പോള് എണ്ണ ലഭ്യത കുറയുമെന്ന ആശങ്കയാണ് ഒക്ടോബറില് എണ്ണവില വര്ധിക്കാന് കാരണമായത്. എന്നാല് അമേരിക്ക ഉള്പ്പെടെയുളള എണ്ണ ഉല്പാദക രാജ്യങ്ങള് ഉല്പ്പാദനം വര്ധിപ്പിച്ചിരിക്കുകയാണ്. അതേസമയം കേരളത്തില് പെട്രോള് വില 80 രൂപയ്ക്ക് താഴെ എത്തി. കൊച്ചിയില് ഒരു ലിറ്റര് പെട്രോളിന് 79.89 രൂപയാണ് ഇന്നത്തെ വില .ഡീസല്വില 76.55 രൂപയായി. പെട്രോളിനും ഡീസലിനും 17 പൈസയാണ് കുറഞ്ഞത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ