എണ്ണ വിലയിൽ വലഞ്ഞ് ജനം ; ഇന്ധന വില ഇന്നും കൂടി

പെട്രോൾ ലിറ്ററിന് 10 പൈസയും ഡീസല്‍ ലിറ്ററിന് 27 പൈസയുമാണ് ഇന്ന് വർധിച്ചത്
എണ്ണ വിലയിൽ വലഞ്ഞ് ജനം ; ഇന്ധന വില ഇന്നും കൂടി

തിരുവനന്തപുരം : രാജ്യത്ത് ഇന്ധന വിലയില്‍ വര്‍ധന തുടരുന്നു. പെട്രോൾ ലിറ്ററിന് 10 പൈസയും ഡീസല്‍ ലിറ്ററിന് 27 പൈസയുമാണ് ഇന്ന് വർധിച്ചത്.  കേന്ദ്രസര്‍ക്കാര്‍ നികുതി ഇളവ് പ്രഖ്യാപിച്ചശേഷം തുടര്‍ച്ചയായ ആറാം ദിവസമാണ് ഇന്ധന വിലയില്‍ വര്‍ധനവുണ്ടാകുന്നത്. 

കൊച്ചിയില്‍ ഒരു ലിറ്റര്‍ പെട്രോളിന്റെ വില 84.22 രൂപയായി വർധിച്ചു. ഡീസലിന് 78.08 രൂപയായും ഉയര്‍ന്നു. തിരുവനന്തപുരത്ത് പെട്രോൾ വില 85.72 രൂപയും ഡീസൽ വില 79.87 രൂപയായും വർധിച്ചിട്ടുണ്ട്. 

കോഴിക്കോട് ഒരു ലിറ്റർ പെട്രോളിന്റെ വില 84.59 രൂപയായി ഉയർന്നു. ഡീസലിന്റെ വില 78.72 രൂപയാണ്. രാജ്യത്തിന്റെ സാമ്പത്തിക തലസ്ഥാനമായ മുംബൈയില്‍ പെട്രോളിന് 9 പൈസയും ഡീസലിന് 29 പൈസയുമാണ് കൂടിയത്. മുംബൈയിലെ ഇന്നത്തെ പെട്രോള്‍ വില 87.82 ഉം, ഡീസല്‍ വില 78.22 രൂപയായും വർധിച്ചു. ഡല്‍ഹിയിലെ പെട്രോള്‍, ഡീസല്‍ വില യഥാക്രമം 82.36 രൂപ,  74.62 രൂപ എന്നിങ്ങനെയാണ്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com