തിരുവനന്തപുരം: സംസ്ഥാനത്ത് ഇന്ധന വിലയിൽ വീണ്ടും വർദ്ധന. പെട്രോളിന് 17 പൈസയും ഡീസലിന് 11 പൈസയുമാണ് ഇന്ന് വർധിച്ചത്. നാല് ദിവസത്തിനുശേഷമാണ് ഡീസൽ വില വർധിച്ചത്.
ഇന്ന് തിരുവനന്തപുരത്ത് ഒരു ലിറ്റർ പെട്രോളിന് 85.97 രൂപയും ഡീസലിന് 79.18 രൂപയുമാണ് വില. കൊച്ചിയിൽ ഒരു ലിറ്റർ പെട്രോളിന് 84.47 രൂപയും ഡീസലിന് 77.68 രൂപയുമാണ്. കോഴിക്കോട്ട് പെട്രോൾ വില 84.84 രൂപയും ഡീസൽ വില 78.04 രൂപയുമായി.
മുംബൈയിൽ ഒരു ലിറ്റർ പെട്രോളിന് 89.96 രൂപയും ഡീസലിന് 78.52 രൂപയുമാണ്. ഡൽഹിയിൽ പെട്രോൾ വില 82.61 രൂപയും ഡീസൽ വില 73.97 രൂപയുമാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ