ന്യൂഡല്ഹി: ഇന്ത്യയുടെ സാമ്പത്തിക വളര്ച്ചാ നിരക്ക് ആറുവര്ഷത്തെ ഏറ്റവും താഴ്ന്ന നിലയില്. നടപ്പുസാമ്പത്തിക വര്ഷത്തിന്റെ ആദ്യപാദത്തില് വളര്ച്ചാനിരക്ക് കേവലം അഞ്ചുശതമാനം മാത്രമാണെന്ന് സര്ക്കാര് കണക്കുകള് വ്യക്തമാക്കുന്നു.
മാര്ച്ച് 2013ന് ശേഷമുളള ഏറ്റവും മോശപ്പെട്ട അവസ്ഥയിലൂടെയാണ് സാമ്പത്തികരംഗം കടന്നുപോകുന്നതെന്ന് സാമ്പത്തിക വിദഗ്ധര് അഭിപ്രായപ്പെട്ടു. സാമ്പത്തിക വിദഗ്ധരുടെ കണക്കുകൂട്ടലുകളെ തെറ്റിക്കുന്ന കണക്കുകളാണ് പുറത്തുവന്നത്. ആദ്യപാദത്തില് 5.7 ശതമാനം വളര്ച്ച രേഖപ്പെടുത്തുമെന്നാണ് റോയിട്ടേഴ്സ് പോള് പ്രവചിച്ചിരുന്നത്.
നിര്മിതോല്പ്പന മേഖല കേവലം 0.6 ശതമാനം വളര്ച്ച മാത്രമാണ് ഇക്കാലയളവില് രേഖപ്പെടുത്തിയത്. കാര്ഷികമേഖലയുടെ വളര്ച്ച രണ്ടുശതമാനം മാത്രമാണ്. റിയല് എസ്റ്റേറ്റ് മേഖലയും തളര്ച്ച നേരിടുകയാണ്. 2.7 ശതമാനമാണ് വളര്ച്ച. കഴിഞ്ഞ സാമ്പത്തിക വര്ഷത്തിന്റെ അവസാനപാദത്തില് രാജ്യം 5.8 ശതമാനം വളര്ച്ച രേഖപ്പെടുത്തിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ