കൊച്ചി: സംസ്ഥാനത്ത് സ്വര്‍ണവില റെക്കോഡ് നിലവാരത്തില്‍. പവന് 80 രൂപ വര്‍ധിച്ച് 24880 രൂപയായി. ഗ്രാമിന് പത്തുരൂപ വര്‍ധിച്ച് 3110 രൂപയായി.
ഈ വര്‍ഷത്തിന്റെ തുടക്കത്തില്‍ പവന് 23640 രൂപയുണ്ടായിരുന്ന സ്വര്‍ണവിലയാണ് ആഴ്ചകള്‍ കൊണ്ട് 25000ത്തിലേക്ക് നീങ്ങുന്നത്. ഏകദേശം 1300 രൂപയുടെ വര്‍ധന. ഗ്രാമിനും സമാനമായ വര്‍ധന രേഖപ്പെടുത്തി.
സ്വര്‍ണത്തിന്റെ ആവശ്യകതയില്‍ വന്ന വര്‍ധനയാണ് വിലയില്‍ പ്രതിഫലിക്കുന്നത്. ഇതിന്റെ ചുവടുപിടിച്ച് സ്വര്‍ണത്തിന്റെ ഇറക്കുമതിയിലും വര്‍ധന രേഖപ്പെടുത്തിയിട്ടുണ്ട്. അമേരിക്കന്‍ സമ്പദ് വ്യവസ്ഥ തളര്‍ച്ച നേരിടുന്നതായുളള റിപ്പോര്‍ട്ടുകള്‍ കണക്കിലെടുത്ത് സുരക്ഷിത നിക്ഷേപമെന്ന നിലയില്‍ സ്വര്‍ണത്തിലേക്ക് നിക്ഷേപകര്‍ മാറുന്നതാണ് ഇതിന് കാരണമെന്ന് വിദഗ്ധര്‍ അഭിപ്രായപ്പെട്ടു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
