സന്ഫ്രാന്സിസ്കോ: ഫോട്ടോ മനോഹരമാക്കാന് ഉപയോഗിച്ച് വന്ന 29 ഓളം ബ്യൂട്ടിഫിക്കേഷന് ആപ്പുകളെ ഗൂഗിള് ഡിലീറ്റ് ചെയ്തു. ഉപഭോക്താക്കളുടെ അനുവാദമില്ലാതെ സ്വകാര്യ ചിത്രങ്ങളും വിവരങ്ങളും ദുരുപയോഗം ചെയ്തതിനെ തുടര്ന്നാണ് നടപടി. സുന്ദരനും സുന്ദരിയുമാക്കുന്നതിനായി ഉപഭോക്താക്കള് നല്കുന്ന ചിത്രങ്ങള് അശ്ലീല സൈറ്റുകളിലേക്ക് നല്കുന്നതായും സൈബര് കുറ്റകൃത്യങ്ങള്ക്കും ബ്ലാക്ക്മെയിലിങിനും ഉപയോഗിക്കുന്നതായും ഗൂഗിള് കണ്ടെത്തിയിരുന്നു.
യുഎസിലെ സൈബര് സെക്യൂരിറ്റി കമ്പനിയായ ട്രെന്ഡ് മൈക്രോയാണ് ഗൂഗിളിനായി പഠനം നടത്തിയത്. കരിമ്പട്ടികയില്പ്പെട്ട ആപ്പുകളെ പ്ലേസ്റ്റോറില് നിന്നും നീക്കം ചെയ്തു.
പ്രശ്നക്കാരായ ആപ്പുകള് ഉപഭോക്താവ് ഫോണ് അണ്ലോക്ക് ചെയ്യുമ്പോഴേക്കും വൈറസുള്ളതോ അശ്ലീല ഉള്ളടക്കമുള്ളതോ ആയ ഫുള് സ്ക്രീന് പരസ്യങ്ങള് മൊബൈലിലേക്ക് കടത്തിവിടുന്നു. ഇതോടെ അറിയാതെ തന്നെ അത്തരം സൈറ്റുകളിലേക്കാണ് നേരെ എത്തുന്നത്. പോപ് അപ് സൈറ്റുകളിലൂടെയും ഇവ കടന്നു കൂടാറുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ