ഷാവോമിയുടെ പുതിയ സ്മാര്ട്ഫോണ് എംഐ 9 ചൈനയില് പുറത്തിറക്കി. ക്വാല്കോമിന്റെ ഏറ്റവും പുതിയ സ്നാപ് ഡ്രാഗണ് 855 പ്രൊസസറുമായാണ് പുതിയ ഫോണ് എത്തുന്നത്. 2,999 യുവാനാണ് ഇതിന് ചൈനയിലെ വില. ഇത് ഇന്ത്യയില് 31,752 രൂപയോളം വരും.
എംഐ 9 ന്റെ വിലകുറഞ്ഞ ഒരു പതിപ്പും, മെച്ചപ്പെട്ട ക്യാമറ സൗകര്യങ്ങളോടുകൂടിയുള്ള എംഐ9 ട്രാന്സ്പാരന്റ് എഡിഷനും കമ്പനി പുറത്തിറക്കും. എംഐ 9 എസ്ഇ എന്ന പേരിലാണ് ഫോണ് പുറത്തിറങ്ങുക. സ്നാപ്ഡ്രാഗണ് 712 പ്രൊസസറാണ് ഈ ഫോണില് ഉണ്ടാവുക.
ഫോണിനൊപ്പം 149 യുവാന് വിലയുള്ള (1500 രൂപ) 10,000 എംഎഎച്ചിന്റെ വയര്ലസ് പവര് ബാങ്കും 99 യുവാന് വിലയുള്ള (1000 രൂപ ) വയര്ലെസ് ചാര്ജറും ഷാവോമി അവതരിപ്പിച്ചു.
എംഐ 9 സ്മാര്ട്ഫോണിന്റെ ആറ് ജിബി റാം + 128 ജിബി ഇന്റേണല് സ്റ്റോറേജ് പതിപ്പിന് 2,999 യുവാനാണ് വില ( 31749 രൂപ). എട്ട് ജിബി റാം + 128 ജിബി സ്റ്റോറേജ് പതിപ്പിന് 3299 യുവാന് (42,336 രൂപ) ആണ് വില. ഫെബ്രുവരി 20 മുതല് വൈകീട്ട് ആറ് മണിമുതല് ഫോണ് മുന്കൂര് ബുക്ക് ചെയ്യാം. ഫെബ്രുവരി 26 മുതല് ഷാവോമിയുടെ ഔദ്യോഗിക വെബ്സൈറ്റ് വഴിയും ചൈനയിലെ മറ്റ് വില്പനകേന്ദ്രങ്ങള് വഴിയും ഫോണ് വില്പനയ്ക്കെത്തും.എംഐ9 ട്രാന്സ്പാരന്റ് എഡിഷന് 3999 യുവാനാണ് വില (42,298 രൂപ ). 12 ജിബി റാമും 256 ജിബി സ്റ്റോറേജുമാണ് ഇതിനുണ്ടാവുക.
6.39 ഇഞ്ചിന്റെ ഫുള്എച്ച്ഡി പ്ലസ് സാംസങ് അമോലെഡ് ഡിസ്പ്ലേയാണ് എംഐ 9 ഫോണില് ഉപയോഗിച്ചിട്ടുള്ളത്. വാട്ടര്ഡ്രോപ്പ് നോച്ചും, താഴെ അള്ട്രാ തിന് ചിന്നും സ്ക്രീനിലുണ്ടാവും. 103.8 ശതമാനം എന്ടിഎസ് സൂപ്പര് വൈഡ് വര്ണവ്യാപ്തിയും. 600 നിറ്റ്സ് തെളിച്ചവും സ്ക്രീനിനുണ്ടാവും.
ഇന് ഡിസ്പ്ലേ ഫിംഗര് പ്രിന്റ് സെന്സറാണ് ഫോണിലുള്ളകത്. കോണിങ് ഗൊറില്ല ഗ്ലാസ് 6 സംരക്ഷണവുമുണ്ട്. കൂടുതല് വേഗതയേറിയ ഫിംഗര്പ്രിന്റ് സെന്സറാണ് ഇതില് ഉപയോഗിച്ചിട്ടുള്ളതെന്ന് ഷാലവോമി പറഞ്ഞു. ലാവന്ഡര് വയലറ്റ്, പിയാനോ ബ്ലാക്ക്, ഓഷിയന് ബ്ലൂ എന്നിങ്ങനെ മൂന്ന് നിറങ്ങളിലാണ് ഫോണ് പുറത്തിറങ്ങുന്നത്.
ക്വാല്കോം 855 പ്രൊസസറാണ് എംഐ 9 ഫോണില് ഉപയോഗിച്ചിട്ടുള്ളത്. ആറ് ജിബി റാം + 128 ജിബി സ്റ്റോറേജ്, എട്ട് ജിബി റാം + 128 ജിബി സ്റ്റോറേജ് എന്നിങ്ങനെ രണ്ട് സ്റ്റോറേജ് പതിപ്പുകളാണ് എംഐ 9 നുള്ളത്. 3300 എംഎഎച്ചിന്റേതാണ് ബാറ്ററി. 20 വാട്സ് ഫാസ്റ്റ് ചാര്ജിങ് സൗകര്യം ഇതിലുണ്ട്.
ട്രിപ്പിള് റിയര് ക്യാമറാ സംവിധാനമാണ് എംഐ 9 ഫോണിനുള്ളത്. ഇതില് 960 എഫ്പിഎസ് സ്ലോമോഷന് ദൃശ്യങ്ങള് പകര്ത്താനാവും. 48 മെഗാപിക്സലിന്റെ സോണി ഐഎംഎക്സ് സെന്സറാണ് ഇതില് പ്രധാനപ്പെട്ടത്. 16 മെഗാപിക്സലിന്റെ സാംസങ് ട5സ3ാ5 വൈഡ് ആംഗിള് ലെന്സും 12 മെഗാപിക്സലിന്റെ സോണി ഐഎംഎക്സ്481 ലെന്സുമാണ് മറ്റുള്ളവ. സെല്ഫിയ്ക്ക് വേണ്ടി 20 മെഗാപിക്സലിന്റെ ഫ്രണ്ട് ക്യാമറാ സെന്സറാണ് എംഐ 9ല് ഉപയോഗിച്ചിട്ടുള്ളത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ