ന്യൂഡല്ഹി: സേവനരംഗത്ത് ടെലികോം കമ്പനികള് തമ്മിലുളള മത്സരം ഓരോ ദിവസവും മുറുകുകയാണ്. ഉപഭോക്താക്കളെ കൂടുതലായി ആകര്ഷിക്കാന് ഓരോ ദിവസവും കമ്പനികള് പ്ലാനുകളില് മാറ്റം വരുത്തുന്ന കാഴ്ചയാണ് ദൃശ്യമാകുന്നത്. ഇപ്പോള് വൊഡഫോണും അവരുടെ 509 രൂപയുടെ പ്രീപെയ്ഡ് പ്ലാന് പരിഷ്കരിച്ചിരിക്കുകയാണ്.
കൂടുതല് ഡേറ്റ ആനുകൂല്യം ലഭിക്കുന്നവിധമാണ് വൊഡഫോണ് 509 രൂപയുടെ പ്ലാന് പരിഷ്കരിച്ചത്. സമാന പ്ലാനുകളുളള മറ്റു കമ്പനികളുമായുളള മത്സരം കടുപ്പിച്ചാണ് വൊഡഫോണ് 509 രൂപ പ്ലാനില് ഭേദഗതി വരുത്തിയിരിക്കുന്നത്. നിലവില് 509 രൂപ പ്ലാന് തെരഞ്ഞെടുക്കുന്നവര്ക്ക് പ്രതിദിനം 1.4 ജിബി ഡേറ്റയാണ് ലഭിക്കുന്നത്. പ്ലാന് പരിഷ്കരണത്തോടെ ഇത് 1.5 ജിബിയാകും. അതായത് പ്രതിദിനം 1.5 ജിബി ഡേറ്റ ഉപയോഗിക്കാന് കഴിയും.
ഇതിന് പുറമേ 90 ദിവസം കാലാവധിയുളള ഈ പ്ലാനിന് കീഴില് അണ്ലിമിറ്റഡ് വോയ്സ്കോളും, പ്രതിദിനം 100 എസ്എംഎസും ഉണ്ട്.റിലയന്സ് ജിയോയുടെ 509 രൂപ പ്ലാന് തെരഞ്ഞെടുക്കുന്നവര്ക്ക് പ്രതിദിനം നാലുജിബി ഡേറ്റയാണ് ലഭിക്കുക. എന്നാല് 28 ദിവസം വരെ മാത്രമാണ് കാലാവധി. മറ്റു ആനുകൂല്യങ്ങള് എല്ലാം വൊഡഫോണിന്റെ സമാന പ്ലാനിന് തുല്യമാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ