കൊച്ചി: ഇന്ധനവിലയില്‍ വീണ്ടും വര്‍ധന. പെട്രോള്‍ ലിറ്ററിന് എട്ടു പൈസയും ഡീസല്‍ ലിറ്ററിന് 20 പൈസയുമാണ് ഇന്ന് കൂടിയത്. ഇന്നലെ പെട്രോളിന് 14 പൈസയും ഡീസലിന് 19 പൈസയും കൂടിയിരുന്നു.
ഒരു ലിറ്റര്‍ പെട്രോളിന് 72.50 രൂപയാണ് കൊച്ചിയിലെ വില. ഡീസല്‍ ലിറ്ററിന് 68.54 രൂപയാണ് കൊച്ചിയിലെ വില. തിരുവനന്തപുരത്ത് പെട്രോള്‍ വില 73.79 രൂപയും ഡീസല്‍ 69.86 രൂപയുമാണ്. കോഴിക്കോട് 72.81 രൂപ, 68.86 രൂപ എന്നിങ്ങനെയാണ് യഥാക്രമം പെട്രോള്‍, ഡീസല്‍ വില.
വരുംദിവസങ്ങളില്‍ ഇന്ധനവില ഉയരാന്‍ സാധ്യതയുണ്ടെന്ന റിപ്പോര്‍ട്ടുകളെ ശരിവെയ്ക്കുന്നതാണ് വിലയിലെ വ്യത്യാസം. രാജ്യാന്തരവിപണിയില്‍ അസംസ്‌ക്യത എണ്ണ വില ക്രമാനുഗതമായി ഉയരുന്നത് വരുംദിവസങ്ങളില്‍ ഇന്ത്യയില്‍ പ്രതിഫലിക്കുമെന്നായിരുന്നു റിപ്പോര്‍ട്ടുകള്‍. ഇന്ത്യ മുഖ്യമായി ആശ്രയിക്കുന്ന ബ്രെന്‍ഡ് ക്രൂഡിന്റെ വില ബാരലിന് 60 ഡോളര്‍ കടന്നിരിക്കുകയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
