പത്തുദിവസത്തിനിടെ ഇന്ധനവിലയില്‍ മൂന്നര രൂപയോളം വര്‍ധന; പെട്രോള്‍ 74 കടന്നു
By സമകാലികമലയാളം ഡെസ്‌ക്‌ | Published: 20th January 2019 10:13 AM |
Last Updated: 20th January 2019 10:13 AM | A+A A- |
കൊച്ചി : ഇന്ധനവില വര്‍ധന തുടരുന്നു. പെട്രോള്‍ ലിറ്ററിന് 23 പൈസയും ഡീസലിന് 29 പൈസയുമാണ് ഇന്ന് വര്‍ധിച്ചത്. ഇതോടെ പെട്രോള്‍ വില 74 രൂപ കടന്നു. ഡീസല്‍വില ഇന്നലെ തന്നെ 70 രൂപ കടന്നിരുന്നു. കഴിഞ്ഞ പത്ത് ദിവസത്തിനിടെ പെട്രോളിന് രണ്ടര രൂപയും ഡീസലിന് മൂന്ന് രൂപ 37 പൈസയുമാണ് വര്‍ധിച്ചത്.
കൊച്ചിയില്‍ ഒരു ലിറ്റര്‍ പെട്രോളിന് 72 രൂപ 90 പൈസയായി. ഡീസലിന് 69 രൂപ മൂന്ന് പൈസയായും ഉയര്‍ന്നു. 74.2 രൂപയാണ് ഒരു ലിറ്റര്‍ പെട്രോളിന് തിരുവനന്തപുരത്തുളള വില. ഡീസലിന് 70 രൂപ 36 പൈസയും.
അന്താരാഷ്ട്രവിപണിയില്‍ അസംസ്‌കൃത എണ്ണ വില വര്‍ധിക്കുകയാണ്. ഇന്ത്യ മുഖ്യമായി ആശ്രയിക്കുന്ന ബ്രെന്‍ഡ് ക്രൂഡിന്റെ വില ബാരലിന് 62.70 ഡോളറായി.
