ബംഗളൂരു: ഒറ്റയടിക്ക് 18000 പേരെ റിക്രൂട്ട് ചെയ്യാന്‍ ഒരുങ്ങി ഐടി കമ്പനിയായ ഇന്‍ഫോസിസ്. ഇന്ത്യയിലെ രണ്ടാമത്തെ വലിയ ഐടി കമ്പനിയായ ഇവിടെ നിലവില്‍ 2.29 ലക്ഷം ജീവനക്കാരാണ് ഇപ്പോഴുള്ളത്.
2019 അവസാനിക്കുന്നതിന് മുന്‍പ് സര്‍വകലാശാലകളില്‍ നിന്ന് 18000 പേരെ റിക്രൂട്ട് ചെയ്യാനാണ് തീരുമാനം. ഈ സാമ്പത്തിക വര്‍ഷം ഇതുവരെ 8000 പേര്‍ക്ക് കമ്പനി ജോലി നല്‍കി. ഇതില്‍ 2500 പേര്‍ ഇപ്പോള്‍ പഠിച്ചിറങ്ങിയവരാണ്.
ഈ സാമ്പത്തിക വര്‍ഷത്തിലെ ആദ്യ പാദത്തിലെ റിക്രൂട്ട്‌മെന്റ് നിരക്ക് 23.4 ശതമാനമെത്തി. കഴിഞ്ഞ സാമ്പത്തിക വര്‍ഷത്തിലെ അവസാന പാദത്തിലെ റിക്രൂട്ട്‌മെന്റ് നിരക്ക് 20.4 ശതമാനമായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
