മുംബൈ: ലോക്‌സഭ തെരഞ്ഞെടുപ്പിന്റെ എക്‌സിറ്റ് പോള്‍ ഫലങ്ങളില്‍ ബിജെപിയുടെ നേതൃത്വത്തിലുളള എന്‍ഡിഎ മുന്നണി മികച്ച പ്രകടനവുമായി വീണ്ടും അധികാരത്തില്‍ എത്തുമെന്ന പ്രവചനത്തിന്റെ ചുവടുപിടിച്ച് ഓഹരി വിപണിയില്‍ മികച്ച മുന്നേറ്റം. വിപണിയുടെ തുടക്കത്തില്‍ ബോംബെ ഓഹരി സൂചികയായ സെന്‍സെക്‌സ് ആയിരത്തോളം പോയിന്റ് മുന്നേറി. ദേശീയ ഓഹരി സൂചികയായ നിഫ്റ്റി 300ഓളം പോയിന്റിന്റെയും കുതിപ്പ് രേഖപ്പെടുത്തി.
നിലവില്‍ 39000 പോയിന്റിനോട് അടുപ്പിച്ചാണ് സെന്‍സെക്‌സില്‍ വ്യാപാരം തുടരുന്നത്. ബാങ്ക്, ഓട്ടോ, എഫ്എംസിജി, ഹെല്‍ത്ത് കെയര്‍ ഓഹരികളാണ് മുഖ്യമായി നേട്ടമുണ്ടാക്കിയത്.
ഡോളറിനെതിരെ രൂപയുടെ മൂല്യത്തിലും മുന്നേറ്റമുണ്ടായി.രണ്ടാഴ്ചത്തെ ഏറ്റവും ഉയര്‍ന്ന നിലവാരത്തിലാണ് രൂപയുടെ വിനിമയം നടക്കുന്നത്. വിനിമയത്തിന്റെ തുടക്കത്തില്‍ 73 പൈസയുടെ നേട്ടത്തോടെ 69 രൂപ 49 പൈസ എന്ന നിലയിലാണ് രൂപയുടെ വിനിമയം നടന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
