കൊച്ചി: സംസ്ഥാനത്ത് തുടര്‍ച്ചയായി വര്‍ധന രേഖപ്പെടുത്തിയ ഇന്ധന വില കുറയുന്നു. രണ്ടു ദിവസമായി പെട്രോള്‍, ഡീസല്‍ വിലയില്‍ നേരിയ കുറവുണ്ടായി. പെട്രോളിന് ഇന്ന് 19 പൈസയാണ് കുറഞ്ഞത്. ഡീസല്‍ വില എട്ടു പൈസ കുറഞ്ഞു.
ഒരു ലിറ്റര്‍ പെട്രോളിന് 76.35 രൂപയാണ് കൊച്ചിയിലെ വില. കുറഞ്ഞത് 19 പൈസ. ഇന്നലെ പെട്രോള്‍ വിലയില്‍ 10 പൈസയുടെ കുറവു രേഖപ്പെടുത്തിയിരുന്നു. രണ്ടാഴ്ചയോളം തുടര്‍ച്ചയായ വര്‍ധന രേഖപ്പെടുത്തിയ ശേഷമാണ് വില കുറഞ്ഞത്.
ഡീസല്‍ ലിറ്ററിന് 71.05 രൂപയാണ് കൊച്ചിയിലെ വില. ഇന്നു കുറഞ്ഞത് എട്ടു പൈസ. ഇന്നലെ ഡീസല്‍ വില ഏഴു പൈസ കുറഞ്ഞിരുന്നു.
സൗദിയില്‍ ആരാംകോ എണ്ണക്കിണറില്‍ ഹൂതി വിമതര്‍ ആക്രമണം നടത്തിയതിനു പിന്നാലെയാണ് രാജ്യത്ത് പെട്രോള്‍, ഡീസല്‍ വില ഉയരാന്‍ തുടങ്ങിയത്. മൂന്നു രൂപയോളമാണ് പെട്രോളിന് വില വര്‍ധിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
