ന്യൂഡല്ഹി: രാജ്യത്തെ മൊബൈല് സര്വീസ് നിരക്കുകള് ഉയര്ത്തണമെന്ന് എയര്ടെല്. ഇപ്പോഴത്തെ നിരക്കുകള് കമ്പനികള്ക്ക് പ്രവര്ത്തിക്കാന് പര്യാപ്തമല്ലെന്ന് എയര്ടെല് എംഡിയും സിഇഒയുമായ ഗോപാല് വിറ്റല് പറഞ്ഞു.
മറ്റു സര്വീസുകളിലേക്കുള്ള കോളുകള്ക്ക് മിനിറ്റിന് ആറു പൈസ വച്ച് ഉപഭോക്താക്കളില്നിന്ന് ഈടാക്കാനുള്ള റിലയന്സ് ജിയോയുടെ തീരുമാനത്തെ എയര്ടെല് സിഇഒ വിമര്ശിച്ചു. ഇന്റര്കണക്ഷന് യൂസേജ് ചാര്ജ് സാധാരണഗതിയില് ഉപഭോക്താക്കളില്നിന്ന ഈടാക്കാറില്ലെന്ന് അദ്ദേഹം പറഞ്ഞു. കഴിഞ്ഞ ഇരുപതു വര്ഷമായി ഇങ്ങനെയാണ് മൊബൈല് കമ്പനികള് പ്രവര്ത്തിക്കുന്നത്.
ഇപ്പോള് നിശ്ചയിച്ചിട്ടുള്ള ലേല നിരക്കുകള് വച്ച് 5ജി കമ്പനികള്ക്കു താങ്ങാനാവില്ല. സ്പെക്ട്രം നിരക്ക് കുറച്ചു നിശ്ചയിക്കേണ്ടതുണ്ടെന്ന് എയര്ടെല് സിഇഒ അഭിപ്രായപ്പെട്ടു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ