ന്യൂഡൽഹി : രാജ്യത്തെ ഏറ്റവും വലിയ പൊതുമേഖലാ ബാങ്കായ എസ്ബിഐ സേവിങ്സ് ബാങ്ക് അക്കൗണ്ടിലെ പലിശ കുറച്ചത് ഇന്നു മുതൽ പ്രാബല്യത്തിൽ. എസ് ബി അക്കൗണ്ടിലെ പലിശ കാൽശതമാനമായാണ് കുറച്ചത്. ഇതോടെ പലിശ 2.75 ശതമാനമായി.
ഒരു ലക്ഷം രൂപ വരെയും അതിനുമുകളിലുമുള്ള അക്കൗണ്ടിലെ ബാലന്‍സിന് ഇനി നാമമാത്ര പലിശയേ ലഭിക്കുകയുള്ളൂ. നേരത്തെ മൂന്നുശതമാനമായിരുന്നു പലിശ.
എല്ലാ വായ്പകളുടെയും എം.സി.എല്‍.ആര്‍. നിരക്ക് 0.35 ശതമാനം നേരത്തെ ബാങ്ക് കുറച്ചിരുന്നു. ഇതോടെ ബാങ്കിന്റെ ഒരു വര്‍ഷത്തെ എംസിഎല്‍ആര്‍ നിരക്ക് 7.75 ശതമാനത്തില്‍നിന്ന് 7.40 ശതമാനമായി കുറഞ്ഞു. പുതിയ നിരക്ക് ഏപ്രില്‍ പത്തിനാണ് നിലവില്‍ വന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
