തിരുവനന്തപുരം : സാധാരണക്കാരുടെ ജീവിതഭാരം വർധിപ്പിച്ച് ഇന്ധല വില കുതിച്ചുയരുന്നു. ഇന്ധനവിലയിൽ എണ്ണക്കമ്പനികൾ ഇന്നും വർധനവ് വരുത്തിയിട്ടുണ്ട്. പെട്രോളിന് 16 പൈസയും ഡീസലിന് 12 പൈസയുമാണ് കൂട്ടിയത്.
ഇതോടെ കൊച്ചിയിൽ ഒരു ലിറ്റർ പെട്രോളിന് 80.18 രൂപയായി. ഡീസലിന് 75.84 രൂപയാണ് ഇന്നത്തെ വില. കഴിഞ്ഞ 19 ദിവസത്തിനിടെ ഡീസലിന് കൂടിയത് 10 രൂപ നാലു പൈസയാണ്. പെട്രോളിന് 8 രൂപ 68 പൈസയും കൂടി.
ജൂൺ ഏഴ് മുതലാണ് എണ്ണ കമ്പനികൾ വില നിർണയം പുനരാരംഭിച്ചത്. രാജ്യത്തിന്റെ ചരിത്രത്തില് ആദ്യമായി ഡീസല് വില ഇന്നലെ പെട്രോള് വിലയെ മറികടന്നിരുന്നു. വിലവർധനയ്ക്കെതിരെ രാജ്യത്ത് പ്രതിഷേധം ശക്തമാകുകയാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ