കോട്ടയം: മൂന്നാഴ്ചയ്ക്കൊടുവിൽ ഇന്ധന വില വർധിപ്പിക്കാത്ത ഒരു ദിവസം. തുടർച്ചയായി 21 ദിവസവും വർധിപ്പിച്ച ഇന്ധന വിലയിൽ ഇന്ന് മാറ്റമില്ല. ഞായറാഴ്ച പെട്രോൾ, ഡീസൽ വിലയിൽ വർധിച്ചില്ല. കഴിഞ്ഞ 21 ദിവസത്തെ പെട്രോൾ വിലയിൽ ഉണ്ടായ വർധന 9.17 രൂപയും ഡീസലിൽ 10.45 രൂപയുമാണ്.
ഇന്നലെ പെട്രോൾ ലിറ്ററിന് 25 പൈസയും ഡീസലിന് 20 പൈസയുമാണ് കൂടിയത്. തിരുവനന്തപുരത്ത് ഒരു ലിറ്റർ പെട്രോളിന് 82 രൂപ 10 പൈസയുമാണ്. ഡീസലിന് 77.58 പൈസ. കൊച്ചിയിൽ പെട്രോൾ വില 80.32 ആയി ഉയർന്നു. ഡീസൽ 75.82.
രാജ്യ തലസ്ഥാനമായ ഡൽഹിയിൽ പെട്രോൾ വില 80 രൂപ 38 പൈസയാണ്. ഡീസൽ വില പെട്രോളിന് മുകളിലാണ്. 80 രൂപ 40 പൈസയും. ഇടക്കാലത്തിന് ശേഷം ജൂൺ ഏഴ് മുതലാണ് എണ്ണക്കമ്പനികൾ പ്രതിദിന വില നിർണയം പുനരാരാംഭിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ