ന്യൂഡല്ഹി: പ്രൊവിഡന്റ് ഫണ്ട് നിക്ഷേപങ്ങള്ക്കുളള പലിശനിരക്ക് കുറച്ചു. നടപ്പുസാമ്പത്തികവര്ഷത്തില് പലിശനിരക്ക് 8.5 ശതമാനമായാണ് കുറച്ചത്. നേരത്തെ ഇത് 8.65 ശതമാനമായിരുന്നു.
പ്രൊവിഡന്റ് ഫണ്ട് നിക്ഷേപങ്ങള്ക്കുളള പലിശനിരക്ക് ഇപിഎഫ്ഒ കുറച്ചതായി കേന്ദ്ര തൊഴില് മന്ത്രി സന്തോഷ് ഗാങ്ങ്വാര് അറിയിച്ചു. ഇപിഎഫ്ഒയുടെ ഉന്നതതല സമിതിയായ സെന്ട്രല് ബോര്ഡ് ഓഫ് ട്രസ്റ്റീസാണ് നിരക്ക് കുറയ്ക്കാന് തീരുമാനിച്ചത്. കഴിഞ്ഞ സാമ്പത്തികവര്ഷം 8.65 ശതമാനമായിരുന്ന നിരക്കിലാണ് 15 ബേസിക് പോയന്റിന്റെ കുറവ് വരുത്തിയത്. 6.5 കോടി അംഗങ്ങള്ക്ക് തീരുമാനം തിരിച്ചടിയായി.
ധനമന്ത്രാലയത്തിന്റെ അംഗീകാരം ലഭിച്ചാല് തീരുമാനം പ്രാബല്യത്തിലാകും. ഇപിഎഫ്ഒയുടെ വരുമാനം കുറയുന്ന പശ്ചാത്തലത്തില് ബാധ്യത ഒഴിവാക്കുന്ന നടപടികളാണ് ധനമന്ത്രാലയം സ്വീകരിച്ചുവരുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ