ന്യൂഡല്ഹി: ബിഎസ്എന്എല് കൂടുതല് ആകര്ഷണീയമായ പ്രീ പെയ്ഡ് പ്ലാന് അവതരിപ്പിച്ചു. ഒരു വര്ഷം മുഴുവന് കാലാവധിയുളള 1499 രൂപയുടെ പ്ലാനാണ് ബിഎസ്എന്എല് പ്രഖ്യാപിച്ചത്.
ഈ പ്ലാന് അനുസരിച്ച് 24 ജിബി ഡേറ്റയാണ് ലഭിക്കുക.പ്രതിദിനം 250 മിനിറ്റ് വരെ വോയ്സ് കോള് സൗജന്യമാണ്. ദിവസവും 100 എസ്എംഎസ് വരെ സൗജന്യമായി അയക്കാം. ചെന്നൈ സര്ക്കിളിലാണ് ഈ പ്ലാന് അവതരിപ്പിച്ചത്. ചൊവ്വാഴ്ച ( സെപ്റ്റംബര് 1) മുതല് പുതിയ പദ്ധതി നിലവില് വന്നു.
ആദ്യ 90 ദിവസത്തിനുളളില് ഈ പ്ലാന് തെരഞ്ഞെടുക്കുന്നവര്ക്ക് മറ്റൊരു ആനുകൂല്യം കൂടി കമ്പനി പ്രഖ്യാപിച്ചിട്ടുണ്ട്. 30 ദിവസം കൂടി അധികം സേവനമാണ് ലഭിക്കുക. അതായത് 395 ദിവസം വരെ 1499 രൂപയ്ക്ക് ഈ പ്ലാന് അനുസരിച്ചുളള സേവനങ്ങള് ഉപഭോക്താവിന് ലഭിക്കും. കൂടുതല് പേരിലേക്ക് ഈ പ്ലാന് എത്തുന്നതിന്റെ ഭാഗമായാണ് ഈ പ്രോത്സാഹന ഓഫര്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ