ജൂൺ 30നകം എല്ലാ സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) ഉപഭോക്താക്കളും പാൻ കാർഡുമായി ആധാർ നമ്പർ ബന്ധിപ്പിക്കണമെന്ന് നിർദേശം. പാൻ കാർഡിനെ ആധാറുമായി ബന്ധിപ്പിക്കാതിരുന്നാൽ സേവനങ്ങൾ തടസപ്പെടുമെന്നാണ് മുന്നറിയിപ്പ്. എസ്ബിഐയുടെ ഔദ്യോഗിക ട്വിറ്ററിലൂടെയാണ് ഇത് സംബന്ധിച്ച നിർദേശം അറിയിച്ചിരിക്കുന്നത്.
ആധാർ നമ്പർ പാൻ കാർഡുമായി ബന്ധിപ്പിക്കുന്നത് എന്തുകൊണ്ടാണ് നിർബന്ധമാക്കിയതെന്ന് ഗ്രാഫിക്സിന്റെ സഹായത്തോടെ ട്വീറ്റിൽ വിശദീകരിക്കുന്നുമുണ്ട്. ആധാറിനെ പാൻ കാർഡുമായി ബന്ധിപ്പിക്കുന്നതിനുള്ള ആദായനികുതി വകുപ്പിന്റെ ഔദ്യോഗിക വെബ്സൈറ്റ് ലിങ്കും ട്വീറ്റിൽ ഉൾപ്പെടുത്തിയിട്ടുണ്ട്. ഇത് ചെയ്യാത്ത ഉപഭോക്താക്കളുടെ അക്കൗണ്ടുകൾ നിർജീവമാക്കപ്പെടുമെന്നാണ് അറിയിച്ചിട്ടുള്ളത്.
www.incometaxindiaefilling.gov.in എന്ന വെബ്സൈറ്റ് സന്ദർശിച്ച് ക്വിക്ക് ലിങ്ക്സ് എന്നതിന്റെ താഴെയായി ‘ലിങ്ക് ആധാർ’ എന്ന ഓപ്ക്ഷൻ തെരഞ്ഞെടുക്കണം. ഇതിൽ ക്ലിക്ക് ചെയ്ത് ആധാർ, പാൻ വിവരങ്ങൾ നൽകി സബ്മിറ്റ് നൽകിയാൽ പാൻകാർഡിൽ ആധാർ നമ്പർ ചേർക്കപ്പെടും. ‘ലിങ്ക് ആധാർ’ എന്നതിൽ ക്ലിക്ക് ചെയ്ത് ആധാർ റിക്വസ്റ്റ് സ്റ്റാറ്റസ് കാണാനുള്ള ഓപ്ഷൻ തെരഞ്ഞെടുത്താൽ നിലവിൽ ആധാർ പാൻ കാർഡുമായി ബന്ധിപ്പിച്ചിട്ടുണ്ടോ എന്ന കാര്യം പരിശോധിക്കാനാകുന്നതാണ്. എസ്എംഎസ് വഴിയും ഇത് പരിശോധിക്കാനാകും. ഇതിനായി പാനുമായി രജിസ്റ്റർ ചെയ്ത മൊബൈലിൽ നിന്നും 12 അക്ക ആധാർ നമ്പർ ടൈപ്പ് ചെയ്ത് സ്പേസ് ഇട്ടശേഷം 10 അക്ക പാൻ നമ്പറും ടൈപ്പ് ചെയ്ത് 567678 എന്ന നമ്പരിലേക്ക് അയക്കുകയാണ് ചെയ്യേണ്ടത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
