100 കടന്ന് ഡീസലും; പെട്രോൾ വിലയും കൂട്ടി 

പെട്രോളിന്​ 32 പൈസയും ഡീസലിന്​ 38 പൈസയുമാണ് ഇന്ന് വർധിച്ചത്
ഫയൽ ചിത്രം
ഫയൽ ചിത്രം

തിരുവനന്തപുരം: ഇന്ധന വിലയിലെ കൊള്ളയടി ഇന്നും തുടർന്ന് എണ്ണക്കമ്പനികൾ. പെട്രോളിന്​ 32 പൈസയും ഡീസലിന്​ 38 പൈസയുമാണ് ഇന്ന് വർധിപ്പിച്ചത്​. കേരളത്തിൽ ഡീസൽ വിലയും ഇതോടെ 100 രൂപ കടന്നു. 

ഇന്ന് തിരുവനന്തപുരത്തെ പല മേഖലകളിലും ഡീസൽ വില സെഞ്ചുറിയടിച്ചു. പാറശ്ശാലയിൽ ഒരു ലിറ്റർ ഡീസലിൻറെ 100.11 രൂപയാണ് വില. തിരുവനന്തപുരത്തെ വെള്ളറടയിൽ ഡീസലിന് 100.08 രൂപയായി. തലസ്ഥാനത്ത് ഒരു ലിറ്റർ ഡീസലിന്​ 99.85 രൂപയും കൊച്ചിയിൽ 97.95 രൂപയും കോഴിക്കോട്​ 98.28 രൂപയുമാണ്​. രാജ്യത്ത് ഡീസൽ വില 100 രൂപ പിന്നിടുന്ന 12-ാമത്തെ സംസ്ഥാനമാണ്​ കേരളം.

തിരുവനന്തപുരത്ത്​ പെട്രോളിന്​ 106.40 രൂപയും കൊച്ചിയിൽ 104.42യും, കോഴിക്കോട്​ 104.64 രൂപയുമാണ് വില. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com