തിരുവനന്തപുരം: തുടർച്ചയായ രണ്ടാം ദിവസവും സ്വർണ വിലയിൽ വർധനവ്. ഇന്നത്തെ പവൻ വില 36720 രൂപ. ഗ്രാമിന് 15 രൂപയാണ് ഇന്ന് വർധിച്ചത്. 4590 ആണ് ഇന്ന് ഒരു ഗ്രാമിന്റെ വില. ഈ മാസത്തെ ഏറ്റവും ഉയർന്ന നിലയാണിത്.
രണ്ട് ദിവസം കൊണ്ട് 40 രൂപയാണ് സ്വർണ വിലയിൽ ഗ്രാമിനുണ്ടായ വർധന. ഓഹരി വിപണികളിലെ തിരിച്ചടികളെ തുടർന്ന് നിക്ഷേപകർ സ്വർണത്തിലേക്ക് മടങ്ങിയതാണ് വില വർധിക്കാനുള്ള കാരണങ്ങളിലൊന്ന്. ഏതാനും ദിവസമായി ഓഹരി വിപിണി തകർച്ചയിലാണ്. ഇതോടെ നിക്ഷേപകർ സ്വർണത്തിലേക്കു ശ്രദ്ധ കേന്ദ്രീകരിക്കാൻ സാധ്യതയുണ്ടെന്നാണ് വിപണി വിദഗ്ധരുടെ വിലയിരുത്തൽ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
