ഓഹരി വിപണി റെക്കോര്‍ഡ് ഉയരത്തില്‍, റിലയന്‍സിനും ഐസിഐസിഐക്കും കൂടുതല്‍ ഡിമാന്റ്; എണ്ണവില 85 ഡോളറിന് മുകളില്‍

റെക്കോര്‍ഡുകള്‍ ഭേദിച്ച് മുന്നേറുന്ന സെന്‍സെക്‌സും നിഫ്റ്റിയും പുതിയ ഉയരം കുറിച്ചു
SHARE MARKET
23,500 എന്ന സൈക്കോളജിക്കല്‍ ലെവലിന് മുകളിലാണ് നിഫ്റ്റിഫയൽ

മുംബൈ: റെക്കോര്‍ഡുകള്‍ ഭേദിച്ച് മുന്നേറുന്ന സെന്‍സെക്‌സും നിഫ്റ്റിയും പുതിയ ഉയരം കുറിച്ചു. തുടര്‍ച്ചയായ ആറാം ദിവസവും മുന്നേറ്റം രേഖപ്പെടുത്തിയ സെന്‍സെക്‌സും നിഫ്റ്റിയും റെക്കോര്‍ഡ് നിലവാരത്തിലാണ് ക്ലോസ് ചെയ്തത്. 141 പോയിന്റ് മുന്നേറി സെന്‍സെക്‌സ് 77,478 പോയിന്റിലാണ് ക്ലോസ് ചെയ്തത്. വ്യാപാരത്തിനിടെ 305 പോയിന്റ് കുതിച്ച് 77,600 ഉം കടന്നും സെന്‍സെക്‌സ് മുന്നേറിയിരുന്നു.

നിഫ്റ്റിയില്‍ 51 പോയിന്റിന്റെ മുന്നേറ്റമാണ് രേഖപ്പെടുത്തിയത്. നിലവില്‍ 23,500 എന്ന സൈക്കോളജിക്കല്‍ ലെവലിന് മുകളിലാണ് നിഫ്റ്റി. ഹെവിവെയ്റ്റുകളായ റിലയന്‍സ്, ഐസിഐസിഐ ബാങ്ക്, എച്ച്ഡിഎഫ്‌സി ബാങ്ക് എന്നിവയുടെ ഓഹരികള്‍ നിക്ഷേപകര്‍ വാങ്ങിക്കൂട്ടിയതാണ് വിപണിക്ക് തുണയായത്. വിദേശനിക്ഷേപകരാണ് ഈ ഓഹരികള്‍ വാങ്ങാന്‍ കൂടുതല്‍ താത്പര്യം കാണിച്ചത്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

ഈ ഓഹരികള്‍ക്ക് പുറമേ ടാറ്റ സ്റ്റീല്‍, ആക്‌സിസ് ബാങ്ക്, ഹിന്ദുസ്ഥാന്‍ യൂണിലിവര്‍, ഏഷ്യന്‍ പെയിന്റസ് ഓഹരികളും നേട്ടം ഉണ്ടാക്കി. മഹീന്ദ്ര ആന്റ് മഹീന്ദ്ര, സണ്‍ ഫാര്‍മ, എന്‍ടിപിസി, വിപ്രോ, എസ്ബിഐ ഓഹരികള്‍ നഷ്ടം നേരിട്ടു. ഇന്ത്യ മുഖ്യമായി ആശ്രയിക്കുന്ന ബ്രെന്‍ഡ് ക്രൂഡിന്റെ വിലയില്‍ ഉണ്ടായ വര്‍ധന അടക്കമുള്ള കാര്യങ്ങള്‍ ഓഹരി വിപണി നിരീക്ഷിച്ച് വരികയാണ്. 0.16 ശതമാനം മുന്നേറി ഒരു ബാരലിന് 85.21 ഡോളര്‍ എന്ന നിലയിലാണ് എണ്ണ വില.

SHARE MARKET
'ഇനി രാജ്യത്തിന്റെ മുക്കിലും മൂലയിലും വരെ കണക്ടിവിറ്റി'; സീപ്ലെയിന്‍ ഓടിക്കാന്‍ ഇളവ്, വ്യവസ്ഥകള്‍ ലളിതമാക്കി ഡിജിസിഎ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
X
logo
Samakalika Malayalam
www.samakalikamalayalam.com