തിരുവനന്തപുരം: മന്ത്രി എംഎം മണിയെ നിറത്തിന്റെ പേരില്‍ അധിക്ഷേപിച്ച് കോണ്‍ഗ്രസ് നേതാവ് എന്‍ പീതാംബരക്കുറുപ്പ്. പ്രളയത്തിന്റെ കാരണക്കാരന്‍ ബ്ലാക്ക് മണിയാണെന്നായിരുന്നു പീതാംബരക്കുറുപ്പിന്റെ പരാമര്‍ശം. ആറ്റിങ്ങലിലെ യുഡിഎഫ് സ്ഥാനാര്‍ഥി അടൂര്‍ പ്രകാശിന്റെ നെടുമങ്ങാട് നിയോജക മണ്ഡലം കണ്‍വന്‍ഷൻ വേദിയിൽ വച്ചാണ് പീതാംബരക്കുറിപ്പിന്റെ ആവർത്തിച്ചുള്ള പരിഹാസം.
ഡാമുകള്‍ ഒന്നിച്ചു തുറന്നു വിടാന്‍ കാരണക്കാരന്‍ എംഎം മണിയാണെന്ന് സമര്‍ഥിക്കാനായിരുന്നു പിതാംബരക്കുറുപ്പിന്റെ ശ്രമം. കെപിസിസി മുന്‍ പ്രസിഡന്റ് തെന്നില ബാലകൃഷ്ണ പിള്ള ഉള്‍പ്പെടെയുള്ള നേതാക്കളുടെ സാന്നിധ്യത്തിലായിരുന്നു പീതാംബരക്കുറുപ്പ് എംഎം മണിയെ നിറത്തിന്റെ പേരില്‍ പരിഹസിച്ചത്.
നേരത്തെ രാഹുല്‍ ഗാന്ധിയുടെ സ്ഥാനാര്‍ത്ഥിത്വവുമായി ബന്ധപ്പെട്ട് ഇതര സംസ്ഥാന തൊഴിലാളികളെ പരാമര്‍ശിച്ചിട്ട കെടി ജലീലിന്റെ ഫെയ്സ്ബുക്ക് പോസ്റ്റും വിവാദമായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
