വെള്ളം കുത്തിയൊലിച്ച് എത്തിയതോടെ രക്ഷപെടാന്‍ കഴിയാതെ തന്റെ എസ് യുവിക്ക് മുകളില്‍ അഭയം തേടിയ യുവാവിനെ രക്ഷാപ്രവര്‍ത്തകര്‍ കരയ്ക്കു കയറ്റി. അമേരിക്കയിലെ ടെക്‌സാസിലായിരുന്നു സംഭവം.
45 മിനിറ്റോളം യുവാവിന് കാറിന് മുകളില്‍ ഇരിക്കേണ്ടിവന്നതായാണ് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്യുന്നത്. വളരെ പണിപ്പെട്ട് യുവാവിന്റെ കാറിനടുത്തേക്ക് ഏണി എത്തിച്ചുകൊടുത്താണ് ഇയാളെ രക്ഷിക്കാനായത്. രണ്ട് തവണ ഏണി ഒടിഞ്ഞ് രക്ഷാപ്രവര്‍ത്തനം പരാജയപ്പെടുകയും ചെയ്തു.
കാല്‍പൊക്കത്തില്‍ ഉയര്‍ന്ന വെള്ളത്തിലൂടെയായിരുന്നു യുവാവ് വാഹനം ഓടിച്ചു പോയത്. എന്നാല്‍ പെട്ടെന്ന് വണ്ടി ഓഫ് ആവുകയും, പെട്ടെന്ന് കുത്തിയൊലിച്ച് എത്തിയ വെള്ളത്തില്‍ കുടുങ്ങുകയും ചെയ്തു. രണ്ട് യുനിറ്റ് അഗ്നിശമന സേന ഉദ്യോഗസ്ഥരാണ് യുവാവിനെ കരയ്ക്ക് കയറ്റുന്നതിനായി എത്തിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
