ഭക്ഷണം വെച്ച് കളിക്കരുതെന്നാണ് മാതാപിതാക്കള്‍ മക്കള്‍ക്ക് നല്‍കുന്ന പ്രധാന ഉപദേശങ്ങളില്‍ ഒന്ന്. എന്നാല്‍ ഇവിടെ ഒരു അമ്മ പൂവും, പഴവും, പുല്ലും പച്ചക്കറിയും എല്ലാം എടുത്ത് മകള്‍ക്ക് വസ്ത്രം ഒരുക്കിയിരിക്കുകയാണ്.
ചില മാതാപിതാക്കള്‍ അങ്ങിനെയാകും. തങ്ങളുടെ ക്രിയേറ്റിവിറ്റി അങ്ങെടുത്ത് മക്കളുടെ വസ്ത്രങ്ങളില്‍ പ്രയോഗിച്ച് കളയും. ഈ അമ്മയുടെ ക്രിയേറ്റിവിറ്റി ഇപ്പോള്‍ ഇന്റര്‍നെറ്റില്‍ കയ്യടി നേടുന്നുണ്ട്.
ക്യാമറയ്ക്ക് മുന്നില്‍ നില്‍ക്കുന്ന മകളുടെ നേര്‍ക്ക് നീട്ടുകയാണ് റോസാ പൂവും, കോളി ഫ്‌ലവറും അങ്ങിനെ എല്ലാം. ഇത് പെര്‍ഫക്ട് പൊസിഷനില്‍ വരുന്നതോടെ അവള്‍ അണിഞ്ഞിരിക്കുന്ന വസ്ത്രമായി തോന്നും.
തന്റെ പരീക്ഷണങ്ങള്‍ അമ്മ ഇന്‍സ്റ്റഗ്രാമില്‍ ഷെയര്‍ ചെയ്തതോടെ ഈ അമ്മയുടേയും മകളുടേയും ആരാധകരുടെ എണ്ണം കൂടിക്കൂടി വരികയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
