കെഎസ്ആര്‍ടിസി ബസുകളുടെ കുതിപ്പ് ചിലയിടങ്ങളില്‍ സ്വകാര്യ ബസുകളുടെ പാച്ചിലുകളെ വെട്ടിക്കും. അങ്ങിനെ കുതിച്ച ഒരു കെഎസ്ആര്‍ടിസി ബസ് കാറിനെ ഇടിച്ചു തെറിപ്പിച്ചതിന്റെ വീഡിയോ ദൃശ്യങ്ങളാണ് ഇപ്പോള്‍ പുറത്തു വരുന്നത്.
കോട്ടയം എസ്സാര്‍ പമ്പിന് മുന്നിലായിരുന്നു സംഭവം. പമ്പിലേക്ക് കയറാനായി വരുന്ന കാറില്‍ എതിര്‍ ദിശയില്‍ നിന്നും അമിത വേഗതയില്‍ വന്ന കെഎസ്ആര്‍ടിസി ബസ് ഇടിക്കുകയായിരുന്നു. കാറിലുണ്ടായിരുന്നവര്‍ ഗുരുതര പരിക്കുകളേല്‍ക്കാതെ രക്ഷപ്പെട്ടു.
എന്നാല്‍ കെഎസ്ആര്‍ടിസി ബസിന്റെ വേഗ കൂടുതലിനൊപ്പം കാര്‍ ഡ്രൈവറിന്റെ അശ്രദ്ധയും അപകടത്തിന് കാരണമായി. ഇന്‍ഡിക്കേറ്റര്‍ ഇടാതെ ഹസാര്‍ഡ് ഇന്‍ഡിക്കേറ്ററായിരുന്നു പമ്പിലേക്ക് തിരിയുന്നതിന് മുന്‍പ് കാര്‍ ഡ്രൈവര്‍ ഇട്ടിരുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
