ബാലസോര്‍ : അണ്വായുധ വാഹക ശേഷിയുള്ള അഗ്നി -5 മിസൈല്‍ ഇന്ത്യ വിജയകരമായി പരീക്ഷിച്ചു. ഒഡിഷയിലെ ബാലസോറില്‍ നിന്നായിരുന്നു വിക്ഷേപണം. തദ്ദേശീയമായി വികസിപ്പിച്ചെടുത്ത ഭൂഖണ്ഡാന്തര ബാലിസ്റ്റിക് മിസൈലായ അഗ്നി-5 ന് 5000 കിലോമീറ്റര്‍ ദൂരെ വരെ പ്രഹരശേഷിയുണ്ട്.
1500 ടണ്‍ അത്യുഗ്ര സ്‌ഫോടകശേഷിയുള്ള വസ്തു അഗ്നിക്ക് വഹിക്കാനാവും.
ചൈനയുടെ വര്‍ധിച്ചുവരുന്ന സൈനിക സന്നാഹത്തെ ചെറുക്കുന്നതിന്റെ ഭാഗമായാണ് ഇത് വികസിപ്പിച്ചെടുത്തത്. അഗ്നി -5 ന്റെ വിജയത്തോടെ യുഎസ് , റഷ്യ, ചൈന, ഫ്രാന്‍സ്, ബ്രിട്ടണ്‍ എന്നീ രാജ്യങ്ങളുടെ സംഘത്തിലേക്ക് ഇന്ത്യയും എത്തി. പരീക്ഷണം പൂര്‍ണ വിജയമായതായി ഡിആര്‍ഡിഒ അധികൃതര്‍ അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
