പുതിയ ബിഎംഡബ്ല്യൂ വാങ്ങി ചന്ദനത്തിരി കത്തിച്ച് ആദ്യ യാത്രയ്ക്ക് ഒരുങ്ങിയതായിരുന്നു ചൈനയിലെ യാങ്സു സ്വദേശി. പക്ഷെ വിചാരിച്ചപോലെ കാര്യങ്ങള് അത്ര ശുഭകരമായല്ല സംഭവിച്ചത്. ഐശ്വരത്തിനായി കത്തിച്ച ചന്ദനത്തിരിയില് നിന്നും തീ പടര്ന്ന് 50ലക്ഷത്തോളം വിലനല്കി സ്വന്തമാക്കിയ കാര് കത്തിക്കരിഞ്ഞു.
ഫേസ്ബുക്കിലൂടെ പുറത്തുവന്ന വീഡിയോ ദൃശ്യങ്ങള് ഇതിനകം വൈറലായികഴിഞ്ഞു. സംഭവം നടന്ന സ്ഥലത്തിന് എതിര്വശം സ്ഥിതിചെയ്തിരുന്ന ഫഌറ്റിന് മുകളില് നിന്നുള്ള ദൃശ്യങ്ങളാണ് പുറത്തുവന്നിട്ടുള്ളത്. കാറിന്റെ ബോണറ്റിന് മുകളിലായി ഒരു ചുവന്ന തുണി വീഡിയോ ദൃശ്യങ്ങളില് കാണാന് കഴിയും. ഈ തുണിയുടെ മുകളില് വച്ചാണ് ഉടമസ്ഥന് ചന്ദനത്തിരി കത്തിച്ചതെന്നാണ് കാറിന്റെ നിര്മാതാക്കള് സംശയിക്കുന്നത്. വീഡിയോയില് ഇത് വ്യക്തമല്ലാത്തതിനാല് തന്നെ കൂടുതല് വിവരങ്ങള് ലഭ്യമായിട്ടില്ല.
വൈറലായ വീഡിയോയ്ക്ക് രസകരമായ കമന്റുകളാണ് ലഭിച്ചുകൊണ്ടിരിക്കുന്നത്. 'ദൈവം പറഞ്ഞു'നന്ദി' ഞാന് ഈ കാര് എടുത്തുകൊള്ളാം', 'ഈ ത്യാഗം ബിഎംഡബ്ല്യൂ ദെവങ്ങള്ക്ക് ഇഷ്ടമായിട്ടുണ്ടാകാം', എന്നെല്ലാമാണ് കമന്റുകള്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ