പ്രിന്സ് ഹാരിയുമായുള്ള വിവഹശേഷം മേഗന് മര്ക്കിള് നടത്തിയ ചാരിറ്റി പരിപാടിയിലെ ഒരു വീഡിയോയാണ് ഇപ്പോള് സമൂഹമാധ്യമങ്ങളില് വൈറലാകുന്നത്. ലണ്ടനിലെ കെന്സിങ്ടണ് കൊട്ടാരത്തില് നടന്ന പരിപാടിക്കിടയില് സമൂസ കട്ടെടുക്കുന്ന ഹാരി രാജകുമാരനാണ് വീഡിയോയിലെ താരം.
മേഗന് ഔദ്യോഗിക ചുമതലകളില് മുഴുകിയിരുന്ന സമയത്താണ് ഹാരി സമൂസ കട്ടെടുത്ത് നടന്നുവരുന്നത്. ഈ രംഗം ക്യാമറയില് പകര്ത്തുന്നത് കണ്ടതോടെ ക്യാമറ നോക്കി ഒരു ചെറു ചിരിയും സമ്മാനിക്കുന്നു. സമൂസയുമായി കൊട്ടാരത്തിലെ അത്ഥികള്ക്കായി തയ്യാറാക്കിയിട്ടുള്ള വാഹനത്തിലേക്ക് നീങ്ങുന്നതുവരെ ക്യാമറ ഹാരിയെ പിന്തുടര്ന്നു.
രാജകുടുംബത്തിലെ അംഗമായതിനുശേഷം മേഗന് നേരിട്ട് നേതൃത്വം വഹിക്കുന്ന ആദ്യ ജീവകാരുണ്യ പ്രവര്ത്തനമായിരുന്നു ഇത്. ഗ്രെന്ഫെല് ടവര് തീപിടിച്ചുണ്ടായ അപകടത്തില് ഇരയായ ആളുകള്ക്ക് ഭക്ഷണം നല്കാനായി സജ്ജീകരിച്ചിട്ടുള്ള കമ്മ്യൂണിറ്റി കിച്ചണിലേക്കുള്ള കുക്ക് ബുക്ക് അവതരിപ്പിക്കുന്നതായിരുന്നു ചടങ്ങ്. ട്വിറ്ററില് പങ്കുവച്ച വീഡിയോ നരവധി ആളുകള് കാണുകയും ലക്ഷക്കണക്കിന് പേര് റീട്വീറ്റ് ചെയ്യുകയുമുണ്ടായി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ