17 അടിയിലേറെ നീളവും 65 കിലോയോളം ഭാരവുമുള്ള പെരുമ്പാമ്പിനെ ശാസ്ത്രജ്ഞര്‍ പിടികൂടി. അമേരിക്കയിലെ ഫ്‌ലോറിഡയിലാണ് കൂറ്റന്‍ പെരുമ്പാമ്പ് ഗവേഷകരുടെ വലയിലായത്. മുട്ടയിടാറായ പെണ്‍ പെരുമ്പാമ്പിനെയാണ് സംഘം പിടികൂടിയത്. 73 മുട്ടകള്‍ ഈ കൂറ്റന്‍ പെരുമ്പാമ്പിന്റെ വയറ്റിലുണ്ടായിരുന്നു.
.jpg?w=640&auto=format%2Ccompress)
നാല് ഗവേഷകര്‍ പെരുമ്പാമ്പുമായി നില്‍ക്കുന്ന ചിത്രം പങ്കുവച്ചാണ് വാര്‍ത്ത പുറത്തുവിട്ടത്. ബിഗ് സൈപ്രസ് നാഷണല്‍ പ്രിസേര്‍വില്‍ നിന്ന് പിടിച്ച ഏറ്റവും വലിയ പെരുമ്പാമ്പാണ് ഇതെന്നാണ് അവകാശപ്പെടുന്നത്. ബിഗ് സൈപ്രസിലെ റേഞ്ചര്‍മാര്‍ പുതിയ ട്രാക്കിങ് സാങ്കേതികവിദ്യ ഉപയോഗിച്ചതുവഴിയാണ് പെരുമ്പാമ്പിനെ പിടികൂടാനായത്. റേഡിയോ ട്രാന്‍സ്മിറ്ററുകള്‍ ഘടിപ്പിച്ച ആണ്‍ പോരുമ്പാമ്പുകള്‍ വഴി പ്രസവിക്കാറായ പെണ്‍ പെരുമ്പാമ്പുകളെ കണ്ടുപിടിക്കുന്ന സാങ്കേതിക വിദ്യയാണ് പരീക്ഷിച്ചത്.
ഫ്‌ലോറിഡ ഫിഷ് ആന്‍ഡ് വൈല്‍ഡ്‌ലൈഫ് കണ്‍സര്‍വേഷന്‍ കമ്മീഷന്‍ റിപ്പോര്‍ട്ട് പ്രകാരം പത്തടിയോളം നീളമുള്ള നിരവധി പെരുമ്പാമ്പുകളെ ഫ്‌ലോറിഡയിലെ എവര്‍ഗ്ലേഡ്‌സില്‍ കാണാനാകും. 18അടിയിലേറെ നീളമുള്ള പെരുമ്പാമ്പാണ് ഇവിടെ നിന്ന് പിടിച്ചതില്‍ ഏറ്റവും വലുപ്പമുള്ളത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
