മാട്രിമോണി സൈറ്റുകളും പത്രപരസ്യങ്ങളുമൊക്കെ വിപുലമായെങ്കിലും നമ്മുടെ നാട്ടിന്പുറത്തെ ഒരാചാരം ചിലയിടത്ത് ഇന്നും നിലനില്ക്കുന്നുണ്ട്. വേറൊന്നുമല്ല, കല്യാണം മുടക്കല് എന്ന ദുരാചാരമാണത്. ഇതിനെതിരെ പ്രതികരിച്ച് ഒരു കൂട്ടം ചെറുപ്പക്കാര് സ്ഥാപിച്ച ഫ്ലക്സ് ഇപ്പോള് സമൂഹമാധ്യമങ്ങളില് വൈറലാവുകയാണ്.
ഞങ്ങള് കൊടുങ്ങല്ലൂര്കാര് എന്ന ഫേസ്ബുക്ക് പേജില് വന്ന ഫ്ലക്സ് ആളുകള് ഏറ്റെടുത്ത മട്ടാണ്. യുവാക്കളെ അഭിനന്ദിച്ചാണ് മിക്ക കമന്റുകളും വരുന്നത്. ഇത്തരത്തിലുള്ള ചുണക്കുട്ടന്മാര് നാടിന് ആവശ്യമാണെന്നാണ് പലരും കമന്റ് ചെയ്തിരിക്കുന്നത്.
"നാട്ടിലെ ആണ്കുട്ടികളുടെയും പെണ്കുട്ടികളുടെയും കല്യാണം മുടക്കുന്നവർ ശ്രദ്ധിക്കുക. ആളെ തിരിച്ചറിഞ്ഞാൽ ആളിന്റെ പ്രായം, ജാതി, രാഷ്ട്രീയം, ഗ്രൂപ്പ് എന്നിവ നോക്കാതെ വീട്ടിൽ കയറി അടിക്കുന്നതാണ്. അത് ഏത് സുഹൃത്തിന്റെ അച്ഛനായാലും. തല്ലും എന്ന കാര്യത്തിൽ ഒരു സംശയവും വേണ്ട. നിങ്ങൾക്കും വളർന്ന് വരുന്ന മക്കളും കൊച്ചുമക്കളുമുണ്ടെന്ന് ഓർക്കുക'- ഇങ്ങനെയാണ് ഫ്ലക്സ് ബോര്ഡിലെ വാചകങ്ങള്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ