എട്ടടി ഒരിഞ്ച് പൊക്കം, രാജ്യത്തെ ഏറ്റവും ഉയരമുളള വ്യക്തി; ഇടുപ്പ് ശസ്ത്രക്രിയയ്ക്ക് ചികിത്സാസഹായം തേടി ധര്‍മേന്ദ്ര, ഉറപ്പുനല്‍കി യോഗി 

എട്ടടി ഒരിഞ്ച് പൊക്കം, രാജ്യത്തെ ഏറ്റവും ഉയരമുളള വ്യക്തി; ഇടുപ്പ് ശസ്ത്രക്രിയയ്ക്ക് ചികിത്സാസഹായം തേടി ധര്‍മേന്ദ്ര, ഉറപ്പുനല്‍കി യോഗി 

ഇടുപ്പ് മാറ്റിവെയ്ക്കല്‍ ശസ്ത്രക്രിയയ്ക്ക് എട്ടുലക്ഷം രൂപ ചെലവ് വരുമെന്നാണ് ഡോക്ടര്‍മാര്‍ പറയുന്നത്

ലക്‌നൗ: ഇന്ത്യയിലെ ഏറ്റവും ഉയരം കൂടിയ വ്യക്തിക്ക് ഉത്തര്‍പ്രദേശ് സര്‍ക്കാരിന്റെ സഹായവാഗ്ദാനം. എട്ടടി ഒരിഞ്ച് പൊക്കമുളള ധര്‍മേന്ദ്രയാണ് ആരോഗ്യപ്രശ്‌നങ്ങള്‍ ചൂണ്ടിക്കാണിച്ച് ഉത്തര്‍പ്രദേശ് സര്‍ക്കാരിന്റെ സഹായം തേടിയത്.ഇടുപ്പ് മാറ്റിവെയ്ക്കല്‍ ശസ്ത്രക്രിയയ്ക്ക് സഹായം നല്‍കാമെന്ന് ഉത്തര്‍പ്രദേശ് സര്‍ക്കാര്‍ അറിയിച്ചതായി ധര്‍മേന്ദ്ര മാധ്യമങ്ങളോട് പറഞ്ഞു.

രാജ്യത്തെ ഏറ്റവും ഉയരമുളള വ്യക്തി എന്ന ഖ്യാതിയുളള ധര്‍മേന്ദ്ര ആരോഗ്യപ്രശ്‌നങ്ങള്‍ നേരിടകുയാണ്. ഇടുപ്പ് മാറ്റിവെയ്ക്കല്‍ ശസ്ത്രക്രിയയ്ക്ക് എട്ടുലക്ഷം രൂപ ചെലവ് വരുമെന്നാണ് ഡോക്ടര്‍മാര്‍ പറയുന്നത്. ഭീമമായ ചികിത്സാചെലവ് വഹിക്കാന്‍ ശേഷിയില്ലാത്തതുകൊണ്ടാണ് ധര്‍മേന്ദ്ര ഉത്തര്‍പ്രദേശ് സര്‍ക്കാരിന്റെ സഹായം തേടിയത്.

സഹായം തേടി ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിനെ സമീപിച്ചെങ്കിലും അദ്ദേഹത്തെ കാണാന്‍ സാധിച്ചില്ലെന്ന് ധര്‍മേന്ദ്ര പറയുന്നു. അദ്ദേഹം അന്ന് സ്ഥലത്ത് ഉണ്ടായിരുന്നില്ല. തുടര്‍ന്ന് മുഖ്യമന്ത്രിക്ക് കത്ത് നല്‍കി. ശസ്ത്രക്രിയയ്ക്ക് ആവശ്യമായി വരുന്ന തുകയുടെ കണക്ക് അറിയാക്കാനും എല്ലാവിധ സഹായങ്ങളും നല്‍കാമെന്ന് ഉറപ്പുനല്‍കിയും മുഖ്യമന്ത്രി മറുപടി നല്‍കിയതായി ധര്‍മേന്ദ്ര പറയുന്നു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com