നെതര്ലാന്ഡ്സിലെ ഒരു മൃഗശാലയിലെ രണ്ട് പെന്ഗ്വിനുകളാണ് ഇപ്പോള് ലോകത്തെ കൗതുകത്തിലാഴ്ത്തുന്നത്. ഈ ജോടികള് മറ്റൊരു പെന്ഗ്വിന്നിന്റെ മുട്ട കട്ടെടുത്തു...എന്നിട്ടതിനെ പൊന്നുപോലെ നോക്കുന്നു എന്നാണ് മൃഗശാലയിലെ ജീവനക്കാര് പറയുന്നത്...ഒരേ ലിംഗത്തില്പ്പെട്ട പെന്ഗ്വിന് ദമ്പതികളാണ് ഇവര്...
നെതര്ലാന്ഡിലെ ഡിരെന്പാര്ക്ക് അമേഴ്സ്ഫൂട്ട് എന്ന മൃഗശാലയിലെ ആഫ്രിക്കന് പെന്ഗ്വിനുകളാണ് ഇരുവരും. അച്ഛനാവാനുള്ള കൊതിയോടെ മറ്റൊരു പെന്ഗ്വിന് ദമ്പതിമാരുടെ മുട്ട ആരും ഇല്ലാത്ത സമയം നോക്കി ഇവര് എടുക്കുകയായിരുന്നു. പെന്ഗ്വിനുകള്ക്കിടയില് സ്വവര്ഗാനുരാഗം സാധാരണയായി കാണപ്പെടുത്തതാണ്. എന്നാല് തങ്ങളുടെ കുട്ടിക്കായി ഇരുവരുടേയും ഭാഗത്ത് നിന്നുണ്ടായ നീക്കമാണ് കൗതുകം നിറയ്ക്കുന്നത്.
ഈ ദമ്പതികള്ക്കൊപ്പം മുട്ട വിരിഞ്ഞ് കുഞ്ഞ് എത്തുന്നതിന് കാത്തിരിക്കുകയാണ് ലോകവും. പെന്ഗ്വിനുകളുടെ പ്രചനനകാലമാണ് ഇവിടെ ഇപ്പോള്. സീസണിലെ ആദ്യ പെന്ഗ്വിന് കുഞ്ഞിനെ അവര് സ്വീകരിച്ചു കഴിഞ്ഞു. എന്നാല് ഈ ദമ്പതിമാര് കൈക്കലാക്കിയിരിക്കുന്ന മുട്ട ഫെര്ട്ടിലൈസ്ഡ് ആണോ എന്ന ആശങ്കയുമുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ