മലപ്പുറം: ബത്തേരി ഗവ. സര്വജന ഹയര് സെക്കന്ററി സ്കൂളിലെ ക്ലാസ്മുറിയില് പാമ്പുകടിയേറ്റ് മരിച്ച വിദ്യാര്ഥിനി ഷഹല ഷെറിന്റെ ഓര്മയ്ക്കായി സ്വന്തം കുഞ്ഞിന് ഷഹല എന്ന പേരിട്ട് അധ്യാപക ദമ്പതികള്.
നാരോക്കാവ് ഹയര് സെക്കന്ററി സ്കൂളിലെ അധ്യാപകന് എരുമമുണ്ട സ്വദേശി വട്ടക്കാട്ടില് വി വി രാജേഷും ഭാര്യ പാലേമാട് ശ്രീ വിവേകാനന്ദ കോളജ് ഓഫ് ടീച്ചര് എജ്യുക്കേഷനിലെ അധ്യാപിക ഉഷസ്സുമാണ് തങ്ങളുടെ രണ്ടാമത്തെ കുട്ടിക്ക് ഷഹ്ല വി രാജേഷ് എന്നു പേരിട്ടത്.
ഇടുക്കി നെടുങ്കണ്ടത്തെ മെഡിക്കല് ട്രസ്റ്റ് ആശുപത്രിയില് 23ന് ആണ് കുട്ടി ജനിച്ചത്. കുറുമ്പലങ്ങോട് ഗവ. യുപി സ്കൂളിലെ ഒന്നാംക്ലാസ് വിദ്യാര്ഥി ആരുഷ് ആണ് മൂത്ത മകന്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ