തുമ്പികൈയ്യും വീശിയാട്ടി യാതൊരു കൂസലുമില്ലാതെ പട്ടാള ക്യാന്റീനിലേക്ക് കയറിച്ചെല്ലുന്ന ആനയുടെ വിഡിയോയാണ് സമൂഹമാധ്യമങ്ങളില് വൈറലാകുന്നത്. തുറന്നുകിടന്ന ക്യാന്റീനിലേക്ക് നിഷ്പ്രയാസം കടന്നുകൂടിയ ആന മുന്നിലുണ്ടായിരുന്ന മേശകളും കസേരകളും തട്ടിത്തെറിപ്പിക്കുകയായിരുന്നു.
അടുക്കളയിലായിരുന്ന ക്യാന്റീന് ജീവനക്കാര് കാര്ഡ്ബോര്ഡ് കത്തിച്ച് പിടിച്ചാണ് ആന അടുത്തേക്ക് വരുന്നതിനെ പ്രതിരോധിച്ചത്. ഇത് ആനയുടെ നേര്ക്ക് വലിച്ചെറിഞ്ഞെങ്കിലും ആനയെ ക്യാന്റീനില് നിന്ന് പുറത്തുകടത്താന് കഴിഞ്ഞില്ല. അടുക്കള ഭാഗത്തേക്ക് നടന്നടുക്കുകയായിരുന്നു ആന.
കത്തിച്ചുപിടിച്ച പന്തം കണ്ടതോടെയാണ് ആന പിന്വലിഞ്ഞുതുടങ്ങിയത്. പന്തം കണ്ട് പിന്തിരിഞ്ഞ ആന ഉടന്തന്നെ പുറത്തുകടക്കുകയായിരുന്നു. ഭൂട്ടാൻ അതിർത്തിയിൽ നിന്ന് 15 കിലോമീറ്റര് മാറിയുള്ള ഹസിമാറാ എന്ന സ്ഥലത്താണ് സംഭവം. സൈനികരടക്കം ഈ സമയം ക്യാമ്പ് പരിസരങ്ങളില് ഉണ്ടായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ