മുഖം മൂടിയും തോക്കുമായി കള്ളന് എത്തിയാല്‍ ഞെട്ടാത്തവര്‍ ഉണ്ടാകില്ല. എന്നാല്‍ ഇപ്പോള്‍ സോഷ്യല്‍ മീഡിയയില്‍ ചിരിപടര്‍ത്തുന്നത് ഒരു കള്ളനും അയാളുടെ തോക്കുമാണ്. പണം കണ്ട് കണ്ണുതള്ളി തോക്കുമറന്നതാണ് കള്ളന് വിനയായത്. യുഎസ് സ്‌റ്റേറ്റായ കെന്‍ടുകിയില്‍ തിങ്കളാഴ്ചയാണ് സംഭവമുണ്ടായത്. വിഡിയോ വൈറലായതോടെ മോഷണം നടത്താനെത്തിയ കോറി ഫിലിപ്‌സ് പൊലീസിന്റെ വലയിലായി.
മോഷണം നടത്താനായി തോക്കുമായിട്ടാണ് ഫിലിപ്പ് കടയില്‍ എത്തിയത്. ഹോട്ടല്‍ ക്ലര്‍ക്കായ യുവതിയാണ് കടയിലുണ്ടായത്. ഫിലിപ്‌സ് കടയില്‍ കയറി തോക്കുചൂണ്ടി ഭീഷണിപ്പെടുത്തി പണം ആവശ്യപ്പെട്ടു. ഇതോടെ യുവതി ഡ്രോയറില്‍ നിന്ന് പണം ടേബിളിന്റെ മുകളിലേക്കിട്ടു. പണം എടുക്കാന്‍ ശ്രമിക്കുന്നതിനിടെ കൈയിലുണ്ടായിരുന്ന തോക്ക് ഫിലിസ് ടേബിളിന് മുകളില്‍ വെച്ചു. ഒരു കിറ്റില്‍ പണം നിറയ്ക്കാന്‍ ശ്രമിക്കുന്നതിനിടെ യുവതി തോക്ക് ചാടിയെടുത്തു. ഇതുകണ്ട് ഭയന്ന ഫിലിപ്‌സ് പണക്കിറ്റും വലിച്ചെറിഞ്ഞ് ഭയന്നോടി.
സോഷ്യല്‍ മീഡിയ ഏറ്റെടുത്തിരിക്കുകയാണ് വിഡിയോ. യുവതിയുടെ മനോധൈര്യമാണ് എല്ലാവരും പ്രശംസിക്കുന്നത്. അടുത്ത ദിവസം വാഹന പരിശോധനയ്ക്കിടെയാണ് ഫിലിപ്‌സ് തൊണ്ടിമുതലുമായി പിടിയിലാകുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
