ജോലി ചെയ്യാന് മടിയുള്ള ഒരു കുതിര കാട്ടിക്കൂട്ടുന്ന പ്രകടനങ്ങളാണ് ഇപ്പോള് സമൂഹമാധ്യമങ്ങളില് വൈറലാകുന്നത്. മടികൂടി രക്ഷയില്ലാതായ കുതിര അതില്നിന്ന് രക്ഷപ്പെടാന് തെരഞ്ഞെടുത്ത ബുദ്ധിപരമായ നീക്കം കയ്യോടെ പിടികൂടിയിരിക്കുകയാണ് പരിശീലകന്. ഇതിന്റെ വീഡിയോ സമൂഹമാധ്യമങ്ങളിലൂടെ പങ്കുവെച്ചിട്ടുമുണ്ട്.
മെക്സിക്കോയിലെ ഒരു ക്ലബ്ബിലെ സവാരിക്കാരനാണ് നമ്മുടെയീ ഓസ്കര് കുതിര. സവാരിക്കായി ഇവിടെ വേറെയും കുതിരകളുണ്ട്. എന്നാല് ജിങ്ജാങ് എന്ന ഈ കുതിരയ്ക്ക് മാത്രം ഒരു പ്രത്യേകതയുണ്ട്. ഈയടുത്തായി സവാരിക്കായി ആര് അടുത്തെത്തിയാലും ജിങ്ജാങ്, എടുത്തടിച്ച പോലെ നിലത്തുവീഴും.
എന്നിട്ട് ചത്തത് പോലെ അനക്കമില്ലാതെ ഒരു കിടപ്പാണ്. ചിലപ്പോള് നാക്കൊക്കെ പുറത്ത് വരുന്ന രീതിയിലായിരിക്കും കിടപ്പ്. ആദ്യമൊക്കെ പരിശിലകരും മറ്റ് ജീവനക്കാരും ഇത് കണ്ട് പേടിച്ചിരുന്നു. പിന്നീടാണ് ഇത് ജോലി ചെയ്യാതിരിക്കാനുള്ള ജിങ്ജാങിന്റെ വെറും തന്ത്രമാണെന്ന് മനസിലായത്. ഇങ്ങനെയൊക്കെ അഭിനയിച്ച് തകര്ത്ത് ജോലിയില് നിന്ന് പിരിച്ചുവിടുകയാണെങ്കില് അത്രയും സന്തോഷം എന്ന മട്ടിലാണ് ജിങ്ജാങിന്റെ പെരുമാറ്റം.
കുതിരയുടെ ഈ സൂത്രപ്പണി കയ്യോടെ വീഡിയോ എടുത്തിരിക്കുകയാണ് പരിശീലകര്. ഈ കൗശലക്കാരന് കുതിരക്ക് ഓസ്കാര് വാങ്ങിക്കൊടുക്കണമെന്നാണ് വീഡിയോ കണ്ടവര് പറയുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ