ന്യൂയോർക്ക്: പ്രശ്സ്ത അമേരിക്കൻ റാപ്പ് താരം നിക്കി മിനാജ് സംഗീത ജീവിതത്തിൽ നിന്നും വിരമിച്ചു. ട്വിറ്ററിലൂടെയാണ് താരം ഇക്കാര്യം ഔദ്യോഗികമായി അറിയിച്ചത്. കുടുംബ ജീവിതത്തിനായി കരിയറിൽ നിന്നും വിരമിക്കുകയാണെന്ന് അവർ വ്യക്തമാക്കി.
മരണം വരെ തന്നെ പിന്തുണക്കണമെന്ന് ആരാധകരോടും അവർ ആവശ്യപ്പെട്ടു. ‘‘ നിങ്ങൾക്ക് ഇപ്പോൾ സന്തോഷമായെന്ന് എനിക്കറിയാം’’ എന്നും വിമർശകർക്കായി നിക്കി കുറിച്ചു. ആൺ സുഹൃത്ത് കെന്നത്ത് പെറ്റിയുമായി താരം ഉടൻ വിവാഹിതയാകുമെന്നും റിപ്പോർട്ടുണ്ട്.
36 കാരിയായ നിക്കി മിനാജ് 10 തവണ ഗ്രാമി പുരസ്കാരത്തിന് നാമനിർദ്ദേശം ചെയ്യപ്പെട്ടിട്ടുണ്ട്. 2010ൽ പുറത്തിറങ്ങിയ നിക്കിയുടെ ‘പിങ്ക് ഫ്രൈഡേ’ എന്ന ആദ്യ ആൽബം ലോകശ്രദ്ധ നേടി. ആറ് അമേരിക്കൻ സംഗീത പുരസ്കാരം അടക്കം നിരവധി പുസ്കാരങ്ങൾ നേടിയിട്ടുണ്ട്.
2016ൽ ടൈം മാഗസിെൻറ ലോകത്തിലെ ഏറ്റവും സ്വാധീനമുള്ള 100 വ്യക്തികളുടെ പട്ടികയിൽ ഇടം പിടിച്ച പെൺ റാപ്പറാണ് നിക്കി. ഇതുവരെ 2 കോടിയിലധികം ആൽബങ്ങൾ ഇവരുടെതായി വിറ്റഴിച്ചിട്ടുണ്ട്.
I’ve decided to retire & have my family. I know you guys are happy now. To my fans, keep reppin me, do it til da death of me, ❌ in the box- cuz ain’t nobody checkin me. ✅ Love you for LIFE
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
